28 Эм-ӧ зэрлӧн батьыс? Коді чужтӧ лысва войтсӧ?
Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!
Господь юӧртіс Ассьыс кывсӧ Яковлы, висьталіс Ассьыс индӧд-тшӧктӧмъяссӧ Израильлы.
Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.
Ме зэрсӧ тіянлы эг сет, кор вундан кадӧдз вӧлі куим тӧлысь на. Ӧти кар вылӧ кисьті зэрсӧ, а мӧд кар вылӧ – эг. Кӧнкӧ зэрліс, а кӧнкӧ зэртӧмысла муыс косьмис.
Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.
– Найӧ Менӧ эновтісны, но Ме бурдӧда найӧс таысь, Ме бара понда сьӧлӧмсянь радейтны найӧс, скӧрлунӧс Ме вешта на дінысь.
Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.
Найӧ оз шуны: «Ми полам Господьысь, асланым Енмысь, коді ас кадӧ сетӧ миянлы арся да тувсовъя зэр, индӧ миянлы нянь чукӧртан кад».
Аслас тӧдӧмлуннас Сійӧ восьтіс пыдӧстӧм йиръяс, кымӧръяслы Сійӧ тшӧктіс разӧдны ва.
Коді тупкис саридзлысь дзиръяяссӧ, кор ваыс му пытшсьыс ыльӧбтіс?
менам вужъяслы век сюрас ва, менам вожъясӧ узьмӧдчас войся лысва,
Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».
Гелву керӧсъяс, тіянӧс мед оз кӧтӧдны лысва да зэр, тіян мед оз лоны вотӧса видз-муяс. Ӧд сэні сімӧ выналӧн сайӧдыс, Сауллысь сайӧдсӧ выйӧн оз нин мавтны.
Израиль повтӧг олӧ, Яковсянь чужысьяс лӧня олӧны сійӧ муас, кӧні быдмӧ уна нянь да визувтӧ вина, кытчӧ енэжсянь лысва лэччӧ.
Ӧсип рӧд йылысь Мӧисей шуис: – Господь мед бурсиас сылысь мусӧ енэжвывса медбур козинъясӧн, лысваӧн да мупытшса ваӧн,
Сэк Исаак батьыс шыасис: – Бур вотӧса муяс ылын лоӧны тэнад оланінысь, енэжса лысваыс оз кут кӧтӧдны сійӧс.
Енмыс мед сетас тэныд енэжса лысва, мувыв вотӧс, уна нянь да вина.
Сійӧ чукӧртӧ ва войтъяс, сэсся зэрӧн кисьтӧ,
найӧ войталӧны кымӧрсянь, сувтса зэрӧн киссьӧны йӧз вылӧ.
