32 Сылӧн киын чардбиыс, тшӧктӧ лыйны, кытчӧ колӧ.
Уна лун чӧж эз петкӧдчыв шонді, эз тыдавны кодзувъяс, тӧвнырлӧн помыс эз тыдав. Миян воши став лача ловйӧн кольны.
Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!
Сійӧ вӧчис ыджыд югзьӧданторъяс, Сылӧн буралӧмыс оз помасьлы.
Господьлӧн тшӧктӧмъясыс зарниысь донаджыкӧсь, весиг уна весалӧм зарниысь, найӧ маысь на чӧскыдджыкӧсь.
Тэ ӧмӧй тӧдан, кыдзи Енмыс веськӧдлӧ кымӧръясӧн, кыдзи чардбиыс югнитӧ Сылӧн кымӧрсянь?
Енлӧн шуӧм серти кымӧръяс кытшлалӧны му весьтті, вӧчӧны сійӧ, мый Енмыс тшӧктӧ.
Сійӧ вевттьӧма Ассьыс юралан пуклӧссӧ, шлапнитӧма сы вылӧ Ассьыс кымӧрсӧ.
Сійӧ тыртӧ кымӧрӧс ваӧн, Сылӧн чардбиыс сявкйӧ кымӧрсянь.
Верман-ӧ лыйны гымньӧвйӧн, шуас-ӧ сійӧ тэныд, ме пӧ дась лыйны?
Господьӧй, мед лоӧны шогманаӧсь Тэныд менам кывъясӧй да сьӧлӧмпытшса мӧвпъясӧй. Тэ менӧ Дорйысьыс да Мездысьыс!
