Иов 36:26 - Коми Библия 2023

²⁶ Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.

Иов 36:26 Referans Kwoze

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Псалтыр 145:3

Энӧ кутӧй лачанытӧ юралысь вылӧ, морт вылӧ, коді оз вермы мездыны.

1 Коринфӧ 13:12

Ӧні ми аддзам Енсӧ ылӧсас, чусмӧм рӧмпӧштанысь моз, а бӧрыннас аддзам Сійӧс асланым синмӧн. Ӧні сӧмын этшаник тӧда Енмыс йылысь, а бӧрыннас кута тырвыйӧ тӧдны Енсӧ, кыдзи Сійӧ тӧдӧ менӧ.

Иов 37:23

Ми огӧ вермӧй шымыртны Ставсӧвермысьӧс, Сійӧ ён вына, веськыда мыждӧ, Сылӧн эм веськыдлун, Сійӧ некодӧс оз увтырт.

Иов 37:5

Енлӧн гымалан шыыс шензьӧдана, Сылысь ыджыд уджъяссӧ ми огӧ вермӧй гӧгӧрвоны.

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

Иов 26:14

Сылӧн уджъяс пиысь ставыс тайӧ сӧмын этшаниктор, Сы йылысь ми кылам сӧмын вашкӧдӧмсӧ. Коді вермас гӧгӧрвоны Сылысь гымалана вынсӧ?

Еврейяслы 1:12

кӧлуйӧс моз Тэ гартыштан найӧс, и найӧ вежсясны. А Тэ он вежсьы, Тэнад олан вояслы помыс оз ло.

2 Петыр 3:8

Мусаясӧй, кутӧй тӧд выланыд, мый Господьлӧн ӧти луныс сюрс во кодь, сюрс воыс – ӧти лун кодь.

Иов 10:5

Тэнад олан лунъясыд ӧмӧй мортлӧн кодьӧсь, олан воясыд ӧмӧй мувыв олысьлӧн кодьӧсь?

Иов 36:25

Став йӧзыс аддзӧны, но сӧмын ылісянь видзӧдӧны Сылӧн уджъясыс вылӧ.

Иов 36:27

Сійӧ чукӧртӧ ва войтъяс, сэсся зэрӧн кисьтӧ,