Иов 32:8 - Коми Библия 2023

⁸ Но ӧд морт пытшкас эм лов, Ставсӧвермысьлӧн лолыштӧмыс сетӧ сылы мывкыдлунсӧ.

Иов 32:8 Referans Kwoze

Иов 38:36

Коді петуклы сетіс гӧгӧрвоӧмлунсӧ, ибислы – мывкыдлунсӧ?

Иов 33:4

Енлӧн Лов вӧчис менӧ, Ставсӧвермысь пӧльыштіс ме пытшкӧ олӧмсӧ.

2 Тимофейлы 3:16

Ставнас Гижӧдыс Ен Ловсянь да вайӧ сӧмын бур. Сійӧ велӧдӧ, янӧдӧ, вежӧ да туйдӧдӧ веськыд олӧмас,

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Иов 35:11

коді пемӧслы дорысь миянлы унджык сетӧ гӧгӧрвоӧмлунсӧ, енэжвыв лэбачӧс дорысь миянӧс ёнджыка вежӧрсьӧдӧ».

Иов 33:16

Енмыс восьтӧ мортлысь пельсӧ, вынсьӧдӧ Ассьыс ӧлӧдӧмсӧ,

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

Олӧм 41:39

Ӧсиплы фараон шуис: «Енмыс ставсӧ тайӧс восьтіс тэныд. Сідзкӧ, тэысь вежӧра да мывкыда мортыс абу.

Ӧксыяслӧн 3 небӧг 4:29

Ен сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында.

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Иов 12:13

Енлӧн эм мывкыдлуныс да выныс, эм тӧдӧмлуныс да вежӧрыс.

Иов 27:3

кытчӧдз менам ловшыӧй шедӧ на, кытчӧдз Енлӧн лолалӧмыс ме пытшкын,

Ӧксыяслӧн 3 небӧг 5:9

Менам йӧз лэччӧдасны керъяссӧ ливанса керӧсъяс вылысь саридз дорӧ. Сэсся саридз кузя пурйӧн ме кылӧда найӧс сэтчӧ, кытчӧ шуан. Сэні ме тшӧкта разьны пуръяссӧ, а тэ сэсся ачыд сэтысь керъяссӧ босьтан. Но менам тшӧтш эм тэ дінӧ корӧм. Кора вайны менам керкаӧ сёян-юан».

Иов 12:16

Сылӧн эм выныс да вежӧрыс, Сылӧн кипод улын – ылӧдлысь и ылӧгас шедысь.

Шусьӧгъяс 20:27

Мортлӧн лолыс – Господьлӧн югдӧданторйыс, пыдӧдз тӧдмалӧ мортлысь сьӧлӧмсӧ.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.