Иов 32:6 - Коми Библия 2023

⁶ Элиху, Буз чужанвужйысь Баракеллӧн пиыс, шыасис: – Ме том на, а ті ыджыд арлыдаӧсь нин, та вӧсна ме полі, эг лысьт висьтавны сійӧ, мый ме тӧда.

Иов 32:6 Referans Kwoze

Иов 15:10

Миян пӧвстын эм кык морт, ӧтиыс дзор юрсиа, а мӧдыс ёна пӧрысь нин, найӧ тэнад бать дорысь ыджыдӧсь.

1 Тимофейлы 5:1

Пӧрысьясӧс чорыда эн ӧлӧд, туйдӧд найӧс батьтӧ моз, томджыкъясӧс – воктӧ моз.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Титлы 2:6

Зонъясӧс тшӧтш велӧд лоны сюсь вежӧраӧн.

Римӧ 13:7

Сідзкӧ, сетӧй быдӧнлы коланасӧ: кодлы вот сетны – сылы вот сетӧй, кодлы мын – сылы мын, кодысь колӧ повны – сыысь полӧй, кодӧс колӧ пыдди пуктыны – сійӧс пыдди пуктӧй.

Иов 15:7

Гашкӧ, тэ медводдза мортӧн чужин, керӧсъясысь водзджык тэнӧ вӧлі вӧчӧма?

Левит 19:32

Пыдди пукты пӧрысь мортӧс, чеччы сы водзын. Пов аслад [Господь] Енмысь. Ме – Господь [тіян Енныд].

Иов 32:2

Сэки Рам рӧдысь Буз чужанвужйысь Баракеллӧн Элиху пиыс ёна скӧрмис Иов вылӧ сыысь, мый Иов лыддис веськыдӧн асьсӧ, а эз Енсӧ.

Иов 32:5

Но кор аддзис, мый Иовлӧн куим ёртыс оз вермыны вочавидзны Иовлы, пузис ас пытшкас.

Иов 12:12

Пӧрысьяслӧн эм мывкыдлун, дыр олысьяслӧн – сюсь вежӧр.

Иов 34:1

Элиху водзӧ сёрнитіс:

Иов 35:1

Элиху водзӧ сёрнитіс:

Иов 36:1

Элиху водзӧ сёрнитіс: