Иов 31:39 - Коми Библия 2023

³⁹ ме кӧ эг тӧждысь муӧй вӧсна, кытысь сёйлі быдтассӧ, ме кӧ увтыртлі сэні уджалысьясӧс,

Иов 31:39 Referans Kwoze

Ӧксыяслӧн 3 небӧг 21:19

Висьтав Ахавлы, мый Господь тадзи висьталӧ: тэ мортӧс виин, а ӧні сылысь овмӧссӧ аслыд босьтан. Нӧшта висьтав сылы, мый Господь тадзи висьталӧ: кӧні понъяс нюлісны Навотлысь вирсӧ, сэні найӧ пондасны нювны и тэнсьыд виртӧ».

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Езекиль 22:6

Израильса юралысьяс вир кисьтісны Ерусалимын – быдӧн кисьтіс, мыйта вермис.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Олӧм 4:12

Тэ кутан вӧдитны мутӧ, но сійӧ оз сет тэныд нянь. Тэнӧ лоӧ вӧтлӧма, и тэ лоан му вылын шӧйтысьӧн».

Иов 24:6

Найӧ йӧз му вылысь вундӧны коляс няньсӧ, лёк вӧчысьлӧн йӧрысь чукӧртӧны виноград.

Иов 24:10

Гӧльяс ветлӧны пасьтӧгныс, кольтаяс новлӧдлігӧн асьныс тшыгъялӧны,

Еремей 22:13

– Курыд шог сылы, коді лэптӧ ассьыс керкасӧ ылӧг отсӧгӧн, оз лэпты ассьыс жыръяссӧ веськыдлун отсӧгӧн, коді уджӧдӧ матыссасӧ, а удждон оз мынты.