Иов 30:23 - Коми Библия 2023

²³ Ме тӧда: Тэ менӧ вайӧдан кулӧмас, сэтчӧ, кытчӧ чукӧртчас став ловъя олысьыс.

Иов 30:23 Referans Kwoze

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Еклесиаст 9:5

Ловъяяс тӧдӧны, мый куласны, а кулӧмаяс оз тӧдны нинӧм. Налы оз нин ло удждоныс, ӧд найӧс вунӧдӧма.

Еклесиаст 8:8

Морт оз вермы ыджыдавны лолыс вылын, оз вермы кутны сійӧс, и кулан луныс абу сы киын. Тыш суӧмысь некод оз пышйы, лёк вӧчысьӧс лёкыс оз мезды.

Иов 21:33

Ыджыд йӧз чукӧр сійӧс колльӧдӧ, шой водзвылас мунысьяслы лыдыс абу. Му улын куйлігас сылы лоӧ лӧсьыд.

Иов 14:5

Тэнад кӧ индӧма нин мортлысь олан лунъяссӧ, арталӧма сылысь тӧлысь лыдсӧ, пасйӧма олан нэмыслысь помсӧ, мый сійӧ оз вермы вежны,

Иов 9:22

Енмыс ӧтмоза бырӧдӧ мыжтӧмӧс и мыжаӧс, та вӧсна ме шуа, мый ставыс веськодь.

Иов 3:19

Ичӧт и ыджыд сэні ӧткодьӧсь, кесйӧг абу нин ыджыдыслӧн кипод улын.

Ӧксыяслӧн 2 небӧг 14:14

Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Иов 10:8

Тэнад киыд вӧчис-лӧсьӧдіс менӧ, а ӧні Тэ бырӧдан менӧ?

Нав Исус 23:14

Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.