12 Тайӧ пеж йылӧмыс кыпӧдчӧ ме вылӧ веськыдладорсянь, найӧ уськӧдӧны менӧ кок йылысь, писькӧдӧны мелань туйнысӧ, мед бырӧдны менӧ.
Локтӧ Сылӧн тышкакотырыс, писькӧдӧ туйсӧ мелань, кытшалӧ менсьым чомйӧс.
Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.
Весиг посни челядь менӧ мустӧмтӧны, сералӧны ме вылын менӧ аддзигӧн.
Йӧзыс жергӧдісны ме вылӧ пиньнысӧ, лёкӧдӧмӧн кучкалӧны меным чужӧмбанӧ, ставныс ӧтувтчисны меным паныд.