13 Ме эськӧ ӧні лӧня куйлі, шойччи-узи
Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.
Ӧти кулӧ, кор сійӧ вына да том на, лӧнь да шуда лунъясӧ,
Лёк вӧчысьлӧн олан лунъясыс шудаӧсь, сійӧ лӧня вуджӧ кулӧмаяс дінӧ.
Ме кута видзӧдны Сы вылӧ, аслам синмӧн аддза Сійӧс. Тайӧс виччысьӧмысь сьӧлӧмӧй нюкыртчӧма.
Ме виччыся вуджны кулӧмаяслӧн оланінӧ, пемыдінас вольсала вольпасьӧс,
Сійӧ муас пемыд да гудыр-гадыр, сэні сап пемыд, весиг югыдыс – пемыд.
Мыйла Тэ он прӧстит менсьым мыжӧс, мыйла он вешты менсьым мыжмӧмӧс? Ӧні ме кыз му улӧ вода, Тэ кутан корсьны менӧ, а ме ог нин ло.
Мыйла аслас пиӧн шуис менӧ батьӧй, мыйла морӧснас нёньӧдіс менӧ мамӧй?
Тэ дзескӧдан мортӧс помӧдзыс, а сэсся сійӧ мунӧ, вежан сылысь чужӧмбансӧ да мӧдӧдан сійӧс.
Менам олан воясӧй лыдаӧсь, ме муна сэтчӧ, кытысь бӧрсӧ ог нин бергӧдчы.
Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.
Но налӧн шойыс кутас ӧтлаын куйлыны му пытшкас, кыкнаннысӧ вегыль-номыр сёяс.
Кыдзи шонді пӧжигӧн кос му сёйӧ лым, тадзи пыдӧстӧминыс ньылыштӧ мыж вӧчысьӧс.
Чужтысь мамыс мед вунӧдас сійӧс, вегыль мед чӧсмасяс сыӧн. Лёк вӧчысьӧс мед оз казьтывны, косьмӧм пуӧс моз мед керыштасны сійӧс,
Кулӧмаяслӧн вуджӧръясыс тіралӧны пыдӧстӧм йирыскӧд да сэні олысьяскӧд.
Кулӧмаяслӧн оланіныс Ен водзын восьса, пыдӧстӧминлӧн абу вевттьӧдыс.
Абу сэтшӧм пемыдыс, весиг сэтшӧм сап пемыдыс, кытчӧ эськӧ вермисны дзебсьыны мыж вӧчысьяс.
Найӧ оз куйлыны виӧм вына тышкайӧзкӧд, вундыштчытӧмъяскӧд, кодъяс тышкасянторъясӧн мунісны кулӧмаяслӧн оланінӧ, шыпуртнысӧ пуктісны юр уланыс. Тайӧ вына тышкайӧзлӧн мыжъясыс личкӧны лыяснысӧ, ӧд наысь коркӧ полісны ловъяяслӧн му вылын.
