Иов 29:3 - Коми Библия 2023

³ Сылӧн биыс ӧзъяліс ме весьтын, Сылӧн югӧр улын ме муні пемыдыс пыр.

Иов 29:3 Referans Kwoze

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Иов 18:6

Сылӧн керка пытшкыс пемдас, сы весьтын югъялысь биыс кусас.

Ефесӧ 5:8

Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

Иоан 12:46

Ме эм югыдыс. Ме локті му вылӧ, медым Меным эскысь эз коль пемыдас.

Иов 22:28

Мый шуан вӧчны, сійӧ артмас, туй вылад кутас ӧзйыны югыд би.

Иов 11:17

Тэнад олӧмыд лоӧ луншӧра югыд кодь, тэнӧ кытшалысь пемыдыс лоӧ асъя югыд кодь.

Шусьӧгъяс 24:20

Ӧд лёк мортлӧн аскиа луныс абу, мыж вӧчысьлӧн биыс кусӧ.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Шусьӧгъяс 13:9

Веськыда олысьлӧн биыс югыда ломалӧ, лёк вӧчысьлӧн – кусӧ. [Наян сьӧлӧма вошӧ мыжас, веськыда олысь жалитӧ да буралӧ.]

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 23:4

Сӧмын сійӧ, кодлӧн киыс мыжтӧм да сьӧлӧмыс сӧстӧм, коді кывсӧ оз сет весьшӧрӧ, оз ылӧдлы [ассьыс матыссасӧ] Господь нимӧн.

Шусьӧгъяс 20:20

Коді бать-мамсӧ лёкӧдӧ, сылӧн биыс сап пемыд дырйи кусас.

Псалтыр 4:6

Вайӧй шогмана висьяс да лача кутӧй Господь вылӧ.

Иов 21:17

Тшӧкыда-ӧ куслӧ лёк вӧчысьлӧн биыс? Тшӧкыда-ӧ Ен скӧралӧмсянь вичмӧ сылы шогыс да сьӧкыдлуныс?

Псалтыр 112:4

Господь – став войтыръяс вылын Ыджыдыс, Сылӧн дзирдлуныс кыптӧ енэжъясысь вылӧджык на.