Иов 28:18 - Коми Библия 2023

¹⁸ Коралл да крусталь йылысь и сёрнитнысӧ нинӧм, мывкыдлунсӧ шедӧдӧмыд дона изъясысь на бурджык.

Иов 28:18 Referans Kwoze

Шусьӧгъяс 3:15

Дона изъясысь сійӧ донаджык, некутшӧм кӧсйӧмтор он ӧткодяв сыкӧд. [Лёкыс оз вермы сылы паныд сувтны, сійӧс тӧдӧны сы дінӧ матыстчысьяс.]

Езекиль 27:16

Арамейяс ньӧбасьлісны тэнсьыд, ӧд тэнад вӧлі уна вузӧс. Найӧ мынтысьлісны карбункулӧн, пемыдгӧрд да серлӧдлӧм дӧраясӧн, вӧсни шабді дӧраӧн, кораллӧн да рубинӧн.

Бӧрданкыв 4:7

Сионса юралысьяс лымйысь на сӧстӧмӧсь, йӧлысь на еджыдӧсь вӧліны. Налӧн кучикыс вӧлі коралл рӧма, найӧ дзирдалісны сапфир моз.

Шусьӧгъяс 31:10

Бур гӧтыртӧ аддзыны абу кокньыд! Став дона изйысь на сійӧ дона.

Восьтӧм 21:21

Дас кыкнан дзиръясӧ вӧлі вӧчӧма дас кык жемчугысь, быд дзиръя – ӧти жемчугысь. Карыслӧн паськыд туйыс вӧлі сӧстӧм зарниысь, сійӧ югъяліс стеклӧ моз.

Восьтӧм 18:12

Оз босьтны налысь зарнисӧ, эзысьсӧ, дона изъяс да жемчугъяс, шабді да шӧвк дӧраяс, пемыдгӧрд да чим гӧрд рӧма дӧраяс и чӧскыд дука пуяс. Оз босьтны налысь слӧн лыысь, дона пуысь, ыргӧнысь, кӧртысь да мраморысь вӧчӧмторъяс.

Восьтӧм 17:4

Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.

1 Тимофейлы 2:9

Кӧсъя, медым аньяс пасьтасисны лючки-бура, мичмӧдісны асьнысӧ рамлунӧн да вежавидзӧмӧн, а эз юрсинысӧ баситӧмӧн, зарни-жемчуг ӧшлӧмӧн да дона паськӧмӧн.

Матвей 7:6

Вежасӧ энӧ сетӧй понъяслы да донаторнытӧ энӧ коялӧй порсьяслы. Вӧчанныд кӧ тадзи, понъяс уськӧдчасны да косявласны тіянӧс, а порсьяс ставсӧ таляласны».

Шусьӧгъяс 8:11

мывкыдлуныс ӧд дона изйысь на бурджык, некутшӧм кӧсйӧмтор оз позь ӧткодявны сыкӧд.

Шусьӧгъяс 3:13

Шуда сійӧ, коді аддзӧ мывкыдлунсӧ, майбыр сійӧ, коді вежӧрсялӧ.

Шусьӧгъяс 20:15

Эм зарни, эмӧсь дона изъяс, но медся донаыс – мывкыд сёрни.