Иов 27:8 - Коми Библия 2023

⁸ Кор Ентӧг олысьлы воас пом, кор Енмыс босьтас сылысь олӧмсӧ, сэки мый вылӧ сійӧ лачасӧ кутас?

Иов 27:8 Referans Kwoze

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Иов 11:20

А лёк вӧчысьлӧн синмыс бердас, сійӧ оз вермы пышйыны, сылӧн лачаыс – бӧръя лолыштӧмыс.

Иов 8:13

Татшӧм туйыс быдӧнлӧн, коді вунӧдӧ Енсӧ, Ентӧг олысьлӧн лачаыс вошас.

Лука 9:25

Лоас-ӧ мортыслы бур, босьтас кӧ аслыс став муюгыдсӧ, а асьсӧ бырӧдас да олӧмсӧ воштас?

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Иов 15:34

Тадзи кушмас Ентӧг олысьлӧн оланіныс, би ньылыштас козин босьтны радейтысьлысь керкасӧ.

Иов 13:16

Тайӧ меным мездмӧмыс, ӧд Ентӧг олысь оз вермы сувтны Сы водзӧ.

Иоан 9:31

Ми тӧдам, мый Ен оз кывзы мыжаясӧс. Но коді бурӧ пуктӧ Енсӧ да олӧ Сылӧн кӧсйӧм серти, Енмыс кывзӧ сійӧс.

Индӧд 1:45

Локтӧм бӧраныд ті бӧрдінныд Господь водзын, но Господь эз кыв и эз кывзы тіянӧс.

Иов 12:10

кодлӧн киын став ловъя олысьлӧн олӧмыс, тшӧтш мортлӧн лолыс.

Иов 27:7

Менӧ мустӧмтысьлы мед лоас лёк вӧчысьлы моз, меным паныд кыпӧдчысьлы – Индӧд торкысьлы моз.

Ӧксыяслӧн 1 небӧг 8:18

Ті кутанныд ойзыны асланыд ӧксыысь, кодӧс ті бӧрйинныд, но Господь сэки оз вочавидз тіянлы».