Иов 27:2 - Коми Библия 2023

² – Ловъя Ен водзын, коді эз веськыда мыжды менӧ, Ставсӧвермысь водзын, коді шогнас тыртіс олӧмӧс, ме шуа:

Иов 27:2 Referans Kwoze

Иов 34:5

Иов шуис, ме пӧ абу мыжа, но Енмыс менӧ оз веськыда мыжды,

Ӧксыяслӧн 4 небӧг 4:27

Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Лыд 14:21

[Аслам пыр олысь нимӧн,] Аслам олӧмӧн да дзирдлунӧн, мыйӧн тырӧма ставнас муыс, Ме кӧсйыся,

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Еремей 5:2

– Найӧ кыв сетӧны ловъя Господь водзын, но налӧн кыв сетӧмныс – пӧръясьӧм.

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Исай 40:27

Яков, мыйла тэ шуан, мыйла, Израиль, тэ висьталан, мый Господь оз аддзы тэнсьыд туйтӧ, мый тэнад Енмыд вунӧдіс тэнсьыд могтӧ?

Иов 10:3

Тэныд ӧмӧй нимкодь дзескӧдны менӧ, ӧтдортны Ассьыд вӧчӧмтортӧ, а лёк йӧзлысь туйсӧ югдӧдны?

Иов 9:18

оз сет лолыштны меным, ӧтарӧ топӧдӧ менӧ курыд шогӧн.

Ӧксыяслӧн 3 небӧг 18:15

Илля вочавидзис: «Ловъя Господь Саваоф водзын, кодлы ме кесъяла, шуа: талун ме петкӧдча Ахавлы».

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 2 небӧг 2:27

Йоав вочавидзис: «Бур, мый тэ тайӧс шуин. Ловъя Ен водзын висьтала: эн кӧ шу, менам тышкайӧзӧй эськӧ асылӧдзыс на вӧтӧдісны тіянӧс, ассьыныс вокъяснысӧ».

Ӧксыяслӧн 1 небӧг 25:34

Ловъя Господь, Израильлӧн Ен, водзын шуа: тэ кӧ эн тэрмась да эн кӧ лок меным воча, ме эськӧ асылӧдзыс вии Навал керкаысь став айуловсӧ. Господь видзис менӧ тэныд лёксӧ вӧчӧмысь».

Ӧксыяслӧн 1 небӧг 25:26

Ловъя Господь водзын да тэ водзын, ыджыдӧй, шуа, мый Господь оз лэдз тэныд вир кисьтны да водзӧс перйыны. Ыджыдӧй, тэнӧ мустӧмтысьяскӧд да лёксӧ вӧчысьяскӧд мед лоас сійӧ жӧ, мый виччысьӧ Навалӧс.

Ӧксыяслӧн 1 небӧг 20:21

Сэсся мӧдӧда зонкаӧс корсьны ньӧвъяссӧ. Шуа кӧ сылы: ”Ньӧвъясыс со бӧрвыладӧсь, босьт сэтысь”, сэки лок ме дінӧ. Ловъя Господь водзын кыв сета: тэкӧд нинӧм оз ло.

Ӧксыяслӧн 1 небӧг 14:45

Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли.

Ӧксыяслӧн 1 небӧг 14:39

Израильӧс мездысь ловъя Господь водзын шуа: весиг кӧ менам Ионафан пиӧй мыжа, сійӧ ловйӧн оз коль». Став йӧзыс чӧв олісны.

Руфа 3:13

Войсӧ узь тані, а аски тыдовтчас, кӧсйысяс оз сійӧ кывкутны тэ вӧсна. Кӧсйысяс кӧ, бур. Оз кӧ, – ловъя Господь водзын кыв сета – ме босьта тэ вӧсна кывкутӧм. Узь тані асылӧдзыс».

Иов 16:11

Енмыс шыбитіс менӧ лёк йӧзлы, сетіс менӧ Ентӧг олысьяс киӧ.

Иов 19:6

тӧдӧй, мый менӧ Енмыс йӧртіс, Сійӧ менӧ Аслас тывйӧн гартыштіс.

Иов 23:16

Енмыс жебмӧдіс менсьым лолӧс, Ставсӧвермысь повзьӧдлӧ менӧ.

Иов 35:2

– Тэ асьтӧ шуан Ен дорысь веськыдӧн. Чайтан, мый тайӧ веськыд?

Иов 40:8

ставнысӧ найӧс тырт мунас, чужӧмнысӧ вевттьы сап пемыднас,

Иов 9:17

Тӧвныр моз Сійӧ уськӧдчӧ ме вылӧ, нинӧм абусьыс дойясӧс содтӧ,