Иов 27:17 - Коми Библия 2023

¹⁷ сылысь паськӧмсӧ веськыда олысь пасьталас, эзысьыс мыжтӧмлы вичмас.

Иов 27:17 Referans Kwoze

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Иов 3:15

юралысьяскӧд, кодъяслӧн вӧлі зарни, кодъяс тыртісны керканысӧ эзысьӧн.

Иов 15:29

Сійӧ оз нин озырмы, овмӧс-эмбурсӧ воштас, ас бӧрсяыс му вылас нинӧм оз коль.

Иов 20:10

Гусявлӧмторсӧ сылы ковмас бӧр сетны аслас киӧн, пияныслы ковмас корны гӧльяслысь.

Иов 20:18

Чукӧртӧм озырлунсӧ бӧр ковмас сетны, нажӧвитӧм удждоныс оз вай сылы нимкодьлун.

Иов 27:16

Лёк вӧчысьлӧн кӧ эзысьыс лоӧ лыа мында, паськӧмыс – ёг турун мында,

Софоний 1:11

Сыркъялӧй, Мактешын олысьяс, ӧд ханаансаясӧс лоӧ бырӧдӧма, став вузасьысьсӧ лоӧ виӧма.

Эсфир 8:1

Сійӧ жӧ лунӧ Артаксеркс ӧксы сетіс Эсфир ӧксы-аньлы Аманлысь, иудейясӧс мустӧмтысьлысь, овмӧссӧ. Эсфир висьталіс ӧксылы, кодӧн лоӧ сылы Мардокей, и Мардокей пырис ӧксы дінӧ.