Иов 22:12 - Коми Библия 2023

¹² Енмыс ӧмӧй абу енэжсьыс на вылын? Видзӧдлы кодзувъяс вылӧ, кутшӧм найӧ ылынӧсь.

Иов 22:12 Referans Kwoze

Еклесиаст 5:2

Вӧтъясыд локтӧны уна тӧжд дырйи, вежӧртӧмӧс тӧдмалан уна сёрниыс серти.

Иов 11:8

Сійӧ енэжъясысь на вылын – тэ он вермы судзӧдчыны Сыӧдз, Сійӧ пыдӧстӧминысь на джуджыд – тэ он вермы тӧдмавны Сійӧс.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Псалтыр 115:3

Мыйӧн ме мынтыся Господьлы став бурсьыс, мый Сійӧ вӧчис меным?

Иов 11:7

Верман-ӧ тӧдӧмлуннад аддзыны Енсӧ, верман-ӧ тырвыйӧ шымыртны Ставсӧвермысьӧс?

Иов 35:5

Лэпты синтӧ енэжланьыс да видзӧдлы, аддзан, кымӧръясыс тэысь ёна вылынӧсь.

Еклесиаст 5:1

Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.