Иов 20:7 - Коми Библия 2023

⁷ аслас сіт-куйӧд моз сійӧ бырас пыр кежлӧ, сійӧс тӧдлысьяс пондасны юасьны, кӧні сійӧ.

Иов 20:7 Referans Kwoze

Псалтыр 83:10

Енмӧй, миянӧс Дорйысьӧй, видзӧдлы Аслад Мавтыштӧмаыд вылӧ.

Иов 14:10

А мортыс вынтӧммӧ да кулӧ. Кор сылӧн лолыс петас, кӧні сійӧ лоӧ?

Ӧксыяслӧн 4 небӧг 9:37

Сылӧн шойыс разалас изреельса видз-му вылын куйӧд моз. И некод оз вермы шуны, мый тайӧ Езавельлӧн шойыс”».

Ӧксыяслӧн 3 небӧг 14:10

Та вӧсна Ме ыста ыджыд шог Еровам рӧд вылӧ. Ме бырӧда сылысь рӧдсӧ Израильысь, бырӧда став айуловсӧ ичӧтсянь ыджыдӧдз. Куйӧдӧс моз Ме шыбита сылысь рӧдсӧ.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Иов 8:18

Но кор сійӧс нетшыштасны, сэки муыс ӧтдортчас сыысь, шуас, мый оз тӧд сійӧс.

Иов 7:10

Аслас керкаӧ сійӧ бӧрсӧ оз бергӧдчы, сылӧн мувыв оланіныс оз нин тӧд сійӧс.

Иов 4:20

Асывнас на мортыс вӧлі, а рытнас абу нин, он и казявлы сылысь бырӧмсӧ.

Иов 14:20

Тэ дзескӧдан мортӧс помӧдзыс, а сэсся сійӧ мунӧ, вежан сылысь чужӧмбансӧ да мӧдӧдан сійӧс.

Иов 27:19

Сійӧ водас озыр мортӧн, но татшӧмнас оз чеччы, восьтас синсӧ, а сылӧн нинӧм абу.

Исай 41:12

Тэ кутан корсьны, но он аддзы тэныд паныд сувтысьясӧс, тэкӧд тышкасьысьыс оз ло.

Авдий 1:4

Но тэ кӧ кутш моз лэбзян выліинӧ, овмӧдчан-поздысян кодзувъяс пӧвстӧ, весиг сэтысь Ме шыбита тэнӧ, – висьталӧ Господь.

Иов 14:14

Кутас-ӧ мортыс кулӧм бӧрас бара овны? Сьӧкыда мырсигӧн ме виччыся, кор нин локтас менӧ вежысь.

Иов 21:28

Ті юаланныд, кӧні ӧні нималана мортлӧн керкаыс, кӧні лёк вӧчысьяслӧн оланіныс?

Псалтыр 41:5

Ме восьта ассьым сьӧлӧм дойӧс, казьтывла гажӧдчан кадсӧ, кор ми ыджыд чукӧрӧн ветлім Енлӧн крамӧ да гораа нимкодясьӧмӧн аттьӧалім Енсӧ.