Иов 2:11 - Коми Библия 2023

¹¹ Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иов 2:11 Referans Kwoze

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

Иов 42:11

Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

Шусьӧгъяс 17:17

Ёртыдлы тэ быд кадӧ муса, вокыд локтӧ отсавны шог дырйиыд.

Иов 6:14

Мортыс кӧ полӧ Ставсӧвермысь Енмысь, сійӧ оз эновт сьӧкыдалысь ёртсӧ.

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

Олӧм 25:2

чужтіс сылы Зимранӧс, Иокшанӧс, Меданӧс, Мадианӧс, Ишбакӧс да Шуахӧс.

Иоан 11:19

Уна иудей вӧлі локтӧмаӧсь Марпа да Марья ордӧ, медым пальӧдны кулӧм вок вӧснаыс налысь шогсӧ.

Иов 19:21

Ёртъясӧй, жалитыштӧй менӧ, ӧд Енлӧн киыс инмӧдчис ме дінӧ.

Иов 16:2

– Татшӧм сёрнисӧ ме унаысь нин кывлі, ті ставныд – туйтӧм бурӧдысьяс.

Иов 6:19

Темаса караванъяс корсьӧны шоръяс, саваса ветлысь-мунысьяс лача кутӧны ва вылӧ.

1 Каднебӧг 1:32

Ӧвраамлӧн Кетура нима кесйӧг-гӧтырыс чужтіс сылы Зимранӧс, Иокшанӧс, Меданӧс, Мадианӧс, Ишбакӧс да Шуахӧс. Иокшанлӧн вӧліны Шевей да Дедан пиян. [Деданлӧн чужисны Рагуил да Навдеил. Дедан рӧдысь петісны тшӧтш ашшурейяс, астусейяс да асомейяс.]

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Олӧм 36:15

Исавсянь чужысьяс йылысь. Исавлӧн медводдза пиыс вӧлі Элифаз. Элифазсянь Эдом муын чужисны Теманлӧн, Омарлӧн, Цефолӧн, Кеназлӧн, Корейлӧн, Гатамлӧн да Амаликлӧн чужанкотыръяс. Тайӧ вӧліны Исавлӧн Ада гӧтырсянь чужысьяс.

Олӧм 36:11

Элифазлӧн пияныс: Теман, Омар, Цефо, Гатам да Кеназ.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.

Исай 51:19

Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Шусьӧгъяс 27:10

Ассьыд ёрттӧ да батьыдлысь ёртсӧ эн вунӧд, шог дырйи вок ордад эн мун, ӧд ылысса вок дорысь бурджык матысса сусед.

Шусьӧгъяс 18:24

Гӧль мортыд кевмӧ-корӧ, озырыд чорыда вочавидзӧ.

Иов 42:7

Иовкӧд сёрнитӧм бӧрын Господь шуис теманса Элифазлы: «Менам скӧрлунӧй ыпъялӧ тэ вылӧ да тэнад кык ёрт вылӧ, ӧд ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй.

Иов 19:19

Менам ёртъясӧй зывӧктӧны менӧ, муса йӧзӧй бергӧдчисны меысь.

Иов 18:1

Шуахса Вилдад воча шуис:

Иов 16:20

Менам ёртъясӧй лёкӧдӧны менӧ, но ме Ен водзын кисьта синваӧс.

Иов 15:1

Теманса Элифаз воча шуис:

Иов 13:4

А ті мичмӧданныд ылӧгсӧ, ті – шогмытӧм бурдӧдысьяс.

Иов 8:1

Шуахса Вилдад воча шуис:

1 Каднебӧг 1:45

Иовав кулӧм бӧрын пуксис ӧксыавны Теман муысь Хушам.

1 Каднебӧг 7:22

Налӧн Ефрем батьныс дыр бӧрдіс на вӧсна, а сылӧн вокъясыс волывлісны сійӧс бурӧдны.

Иов 42:9

Теманса Элифаз, шуахса Вилдад да наамаса Софар мунісны да вӧчисны, кыдзи тшӧктіс налы Господь. Господь сибӧдіс Иовлысь кевмысьӧмсӧ

Авдий 1:9

Теман, тэнад тышкайӧзыд кутасны дзӧрны-тіравны, Исав керӧс вылын ставнысӧ лоӧ виӧма-бырӧдӧма.

Олӧм 36:34

Иовав кулӧм бӧрын пуксис ӧксыавны Теман муысь Хушам.

Нав Исус 15:41

Гедерот, Бет-Дагон, Наама да Македа каръяс – дас квайт кар да нагӧгӧрса сиктъяс.

Иов 4:1

Теманса Элифаз воча шуис:

Иов 11:1

Наамаса Софар воча шуис: