Иов 18:6 - Коми Библия 2023

⁶ Сылӧн керка пытшкыс пемдас, сы весьтын югъялысь биыс кусас.

Иов 18:6 Referans Kwoze

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Иов 21:17

Тшӧкыда-ӧ куслӧ лёк вӧчысьлӧн биыс? Тшӧкыда-ӧ Ен скӧралӧмсянь вичмӧ сылы шогыс да сьӧкыдлуныс?

Иов 12:25

Битӧг найӧ кималасӧн ветлӧны пемыдас, шатлалӧны код юраяс моз.

Иов 18:14

Сійӧс лоӧ вӧтлӧма аслас керкаысь, мый вылӧ лача кутіс, лоӧ нуӧдӧма повзьӧдана ӧксы дінӧ.

Иов 29:3

Сылӧн биыс ӧзъяліс ме весьтын, Сылӧн югӧр улын ме муні пемыдыс пыр.

Шусьӧгъяс 4:19

Лёк вӧчысьлӧн туйыс – пемыдсьыс-пемыд, сійӧ оз тӧд кытчӧ крукасяс.

Шусьӧгъяс 24:20

Ӧд лёк мортлӧн аскиа луныс абу, мыж вӧчысьлӧн биыс кусӧ.

Езекиль 32:7

Тэнӧ кусӧдігӧн-бырӧдігӧн Ме тупка енэжсӧ, пемдӧда кодзувъяссӧ, шондісӧ тупка кымӧрӧн, и тӧлысьыс югзьӧднысӧ дугдас.

Иов 15:29

Сійӧ оз нин озырмы, овмӧс-эмбурсӧ воштас, ас бӧрсяыс му вылас нинӧм оз коль.

Шусьӧгъяс 21:4

Лёк вӧчысьлӧн биыс – тшаплун да вылӧ кыпӧдчӧм, но тайӧ мыж.