Иов 18:12 - Коми Библия 2023

¹² Тшыглуныс сылысь вынсӧ босьтас, кулӧмыс сыкӧд орччӧн сулалӧ.

Иов 18:12 Referans Kwoze

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

1 Фессалоникаӧ 5:3

Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.

Исай 8:21

Тайӧ войтырыс кутас шӧйтны му вывті, найӧс кутасны чорыда дзескӧдны, найӧ пондасны ёна тшыгъявны, а тшыгъяліганыс найӧ пондасны лёкӧдны ассьыныс ӧксысӧ да Енсӧ.

Псалтыр 34:10

Став менам лыясӧй шуӧны: «Господьӧй, Тэ кодь мӧдыс абу. Жебӧс Тэ мездан вынаысь, гӧльӧс да коньӧрӧс – сійӧс нартитысьысь».

Ӧксыяслӧн 1 небӧг 2:36

А найӧ, кодъяс ловйӧн колясны тэнад рӧдысь, локтасны да копыртчыласны сьӧм да няньтор вӧсна тайӧ попыслы. Шуасны, сет пӧ миянлы кутшӧмкӧ левит удж, мед кынӧмпӧт шедӧдны”».

Ӧксыяслӧн 1 небӧг 2:5

Кодъяс вӧліны коркӧ пӧт кынӧмаӧсь, ӧні найӧ медасьӧны уджавны. Кодъяс водзынсӧ тшыгъялісны, ӧні найӧ шойччӧны. Сьӧктыны вермытӧм сизимӧс чужтӧ, а уна челядя нярмунӧ.

Иов 31:3

Бырӧдӧмыс ӧмӧй оз вичмы мыж вӧчысьлы, шогыс – лёк вӧчысьлы?