Иов 16:9 - Коми Библия 2023

⁹ Енлӧн скӧрлуныс косявлӧ менӧ, усьласьӧ ме вылӧ, пиньсӧ йирӧ ме вылӧ, менӧ мустӧмтысь синсӧ сувтӧдӧма ме вылӧ.

Иов 16:9 Referans Kwoze

Бӧрданкыв 2:16

Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Иов 13:24

Мыйла Тэ дзебан Ассьыд чужӧмтӧ меысь, лыддян менӧ Аслад вӧрӧгӧн,

Ап. уджъяс 7:54

Тайӧс кывзігӧн веськӧдлан котырӧ чукӧртчӧмаяс пузисны скӧрысла, пондісны пиньнысӧ йирны.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Псалтыр 37:12

Дойясӧй вӧсна менам ёртъясӧй да муса йӧзӧй ылыстчисны меысь, менам матыссаяс ӧтдортчисны.

Иов 19:11

Сылӧн скӧрлуныс ыпнитіс ме вылӧ, Сійӧ лыддьӧ менӧ Аслас вӧрӧгӧн.

Иов 18:4

Скӧралӧмнад тэ, Иов, асьтӧ йиран-косявлан! Чайтан, мый тэ вӧсна муыс кушмас, изкырта вешъяс места вывсьыс?

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Бӧрданкыв 3:10

Ош моз Господь кыйӧдӧ менӧ, лев моз Сійӧ кыйӧдчӧ дзебсянінсянь.

Иов 13:27

Тэ сюйин кокӧс тшемилӧ костӧ, кыйӧдан менсьым быд воськов, вӧтлысян менам кок туй бӧрся.

Иов 30:21

Тэ чорыд лоин ме дінӧ, дзескӧдан менӧ вына кинад.

Иов 33:10

Но Енмыс аддзис, мыйысь мыжавны менӧ, Сійӧ лыддьӧ менӧ Аслас вӧрӧгӧн.

Иов 6:4

Ставсӧвермысьлӧн ньӧвъясыс сатшисны меным, менам лолӧй пагалӧ налӧн ядысь, Енмыс мӧдӧдіс меным повзьӧданторъяс.