Иов 15:6 - Коми Библия 2023

⁶ Аслад вомыд тэнӧ мыждӧ, а ог ме, аслад кывйыд тэныд паныд висьталӧ.

Иов 15:6 Referans Kwoze

Лука 19:22

Ӧксы шуас сылы: ”Шогмытӧм кесйӧг! Аслад кывъясыд серти ме мыжда тэнӧ. Тэ тӧдін, мый ме чорыд морт, босьта, мый эг пуктывлы, да вунда, мый эг кӧдзлы.

Матвей 12:37

Аслад кывъяс вӧсна мыжман, аслад кывъяс вӧсна и мыждӧмысь мынан».

Иов 9:20

Ме мыжтӧм, но менӧ мыждас менам кывйӧй, ме абу мыжа, но Енмыс шуас менӧ мыжаӧн.

Псалтыр 64:8

Тэ лӧньӧдан саридзлысь ызгӧмсӧ, гыяслысь бузгӧмсӧ да йӧзыслысь шызьӧмсӧ.

Иов 42:3

Тэ шуин: «Коді тэ сэтшӧмыс, мый Менсьым мывкыдлунӧс аслад вежӧртӧм сёрниӧн вевттян?» Ме татшӧмыс, сёрниті гӧгӧрвотӧг, висьталі тӧдтӧг сы йылысь, мый оз вермы тӧрны менам вежӧрӧ.

Иов 40:8

ставнысӧ найӧс тырт мунас, чужӧмнысӧ вевттьы сап пемыднас,

Матвей 26:65

Сэки аркирей косяліс ассьыс паськӧмсӧ да шуис: «Сійӧ Енмӧс омӧльтӧ! Висьталысьяс миянлы оз нин ковны, ті асьныд кывлінныд Сылысь омӧльтӧмсӧ.

Иов 18:7

Сылӧн зумыд воськовъясыс вынтӧммасны, сылӧн лёк вӧзйӧмыс сійӧс асьсӧ уськӧдас.

Ӧксыяслӧн 3 небӧг 20:40

Но ассьым уджъяс вӧчигкості кутӧм мортыд пышйис». Израильса ӧксы шуис: «Тэнӧ мед мыждасны сідзи, кыдзи тэ ачыд висьталін».