Иов 15:30 - Коми Библия 2023

³⁰ Пемыдсьыс сійӧ оз вермы пышйыны, сылысь выль вожъяссӧ би чишкалас, Енлӧн пӧльыштӧмыс сійӧс нӧбӧдас.

Иов 15:30 Referans Kwoze

Иов 4:9

Енлӧн лолыштӧмысь найӧ кулӧны, Сылӧн скӧрлуна пӧльыштӧмысь бырӧны.

Иов 20:26

пемыдыс шымыртас сійӧс, сійӧс ньылыштас би, мый абу мортӧн пестӧма, лёкыс суас сылӧн чомйын ловйӧн кольӧмаясӧс.

Иов 15:22

Сійӧ оз эскы, мый мездмас пемыдсьыс, тӧдӧ, мый сійӧс виччысьӧ шыпурт.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.

2 Петыр 2:17

Тайӧ ылӧгвелӧдысьясыс косьмӧм юкмӧс да тӧвнырӧн новлӧдлан кымӧръяс кодьӧсь. Татшӧмъясыслы век кежлӧ дасьтӧма сап пемыдсӧ.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 22:13

Сэки ӧксы шуас кесйӧгъясыслы: ”Ки-коксӧ кӧрталӧмӧн шыбитӧй сійӧс пемыдас. Сэні лоӧ бӧрдӧм да пинь йирӧм”.

Матвей 8:12

А кодлы водзысяньыс вӧлі дасьтӧма Енлысь Юраланінсӧ, найӧс шыбитасны пемыдас. Сэні лоӧ бӧрдӧм да пинь йирӧм».

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Иов 22:20

шуалӧны: «Миянлы паныд сувтысьясӧс бырӧдӧма, налысь эмбурсӧ би ньылыштӧма».

Иов 18:18

Сійӧс лоӧ вӧтлӧма югыдсьыс пемыдӧ, лоӧ шыбитӧма кулӧмаяс дінӧ.

Иов 5:14

Лунъюгыднас найӧс вевттьӧ пемыдыс, луншӧрнас найӧ ветлӧны войын моз кималасӧн.

Иов 15:23

Сійӧ шӧйтӧ-ветлӧ, нянь шӧрӧм корсьӧ, тӧдӧ, мый пемыдыслӧн луныс матын.

Иов 15:34

Тадзи кушмас Ентӧг олысьлӧн оланіныс, би ньылыштас козин босьтны радейтысьлысь керкасӧ.

Иов 18:16

Сылӧн вужйыс косьмас улісяньыс, а вожъясыс – вылісяньыс.

Иов 31:12

Татшӧм мыжыс эськӧ кушӧдз нетшкис менсьым быдмӧм няньӧс, би моз эськӧ ньылыштіс да бырӧдіс ставсӧ.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.