5 Бурджык тіянлы чӧв овны, бурджык мывкыдаӧн лоны.
Вежӧртӧм кор чӧв олӧ, мывкыд мортӧн сійӧс чайтӧны, кор вомсӧ тупкӧма, сюсь мортӧн шуӧны.
Ӧні ті чӧв олӧй, а ме кута сёрнитны, сэсся кӧть мый лоӧ.
Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.
Кывтӧ кӧ сетін Ен водзын, тэрмась вӧчнытӧ, ӧд вежӧртӧм абу шогмана Енлы. Сідзкӧ, кӧсйысин кӧ, вӧч.
Та вӧсна вежӧра морт татшӧм кадӧ чӧв олӧ, ӧд тайӧ лёк кад.
Та бӧрын куимнан ёртыс дугдісны вензьыны Иовкӧд, ӧд сійӧ лыддис асьсӧ веськыдӧн.
– Дыр-ӧ на ті кутанныд дзескӧдны менӧ, дойдавны асланыд кывъясӧн?
– Кор нин дугданныд тадзисӧ сёрнитны? Медводз мӧвпыштӧй, сэсся пондам сёрнитны.
Эм-ӧ помыс тӧвйыв лэдзӧм сёрнилы? Мый тэнӧ ышӧдіс тадзи сёрнитны?
Тэнад больгӧмыд ӧмӧй ланьтӧдас мукӧдӧс, тешитчӧмсьыд ӧмӧй тэнӧ некодлы янӧдны?
Кывзӧй менсьым висьталӧмӧс, кылӧй менсьым паныд вочавидзӧмӧс.
Вомнытӧ кинаныд тупкӧй, видзӧдлӧй ме вылӧ, и ті повзянныд.
Ме ог кут виччысьны, найӧ кӧ нинӧм оз висьтавны, сулалӧны кӧ да чӧв олӧны.
