Иов 12:4 - Коми Библия 2023

⁴ Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Иов 12:4 Referans Kwoze

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Иов 30:1

А ӧні менӧ сералӧны меысь томджыкъяс. Налысь батьяссӧ ме матӧ эг сибӧдлы, весиг аслам ыж видзан понъяс пӧвстӧ эг лэдзлы.

Иов 21:3

Терпитыштӧй менӧ, лэдзӧй висьтавны, а кор помала, верманныд серавны.

Иов 17:6

Ме лои войтыръяслы лёкӧданторйӧн, найӧ сьӧлалӧны меным чужӧмӧ.

Иов 17:2

Лёкӧдысьяс кытшалісны менӧ, меным лоӧ видзӧдны налӧн лӧгалӧм вылӧ.

Иов 16:10

Йӧзыс жергӧдісны ме вылӧ пиньнысӧ, лёкӧдӧмӧн кучкалӧны меным чужӧмбанӧ, ставныс ӧтувтчисны меным паныд.

Еврейяслы 11:36

Ӧтиясӧс нӧйтісны орсӧн, лёкӧдісны да чептӧн дорӧмӧн видзисны дзескыдінын.

Ап. уджъяс 17:32

Кулӧмысь ловзьӧм йылысь кылӧм бӧрын ӧтияс пондісны серавны, мӧдъяс шуисны, та йылысь пӧ коркӧ мӧдысь тэнӧ кывзам.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Марк 5:40

Исус вылын пондісны серавны. Сійӧ вӧтліс керкаысь ставнысӧ, босьтіс Аскӧдыс сӧмын нывкалысь бать-мамсӧ да Сыкӧд локтысьясӧс да пырис нывка дінӧ.

Матвей 27:29

юрас пуктісны лежнӧгысь кыӧм юркытш, веськыд киас сетісны бедь. Сэсся пидзӧс выланыс Сы водзӧ сувтӧмӧн шуалісны сералігтырйи: «Мед олас иудейяслӧн Ӧксы!»

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Шусьӧгъяс 14:2

Господьысь полысь веськыд туйӧд мунӧ, Господьӧс мустӧмтысь вошӧ.

Иов 16:20

Менам ёртъясӧй лёкӧдӧны менӧ, но ме Ен водзын кисьта синваӧс.

Иов 11:3

Тэнад больгӧмыд ӧмӧй ланьтӧдас мукӧдӧс, тешитчӧмсьыд ӧмӧй тэнӧ некодлы янӧдны?

Иов 6:29

Мӧвпыштӧй да лёксӧ энӧ вӧчӧй, тӧдӧй – ме абу мыжа!

Матвей 9:24

Исус шуис налы: «Мунӧй татысь! Нылыс эз кув, сійӧ узьӧ». Исус вылын пондісны серавны.

Иов 9:21

Ме абу мыжа, но меным ставыс веськодь, меным мустӧм аслам олӧмӧй.

Иов 12:5

Сійӧ, кодлӧн ставыс бур, увтыртӧ шогсьысьӧс, йӧткыштӧ мортӧс, коді крукасьлӧ.

Иов 13:18

Ёрд водзӧ ме вая ассьым могӧс, ме тӧда, мый ме абу мыжа.

Иов 30:9

Найӧ лӧсьӧдлӧны ме йылысь сералана сьылан, гартлӧны менӧ сёрнианыс.

Иов 34:7

Сюрас-ӧ Иов кодь лёкӧдысь мортыс, кодлы омӧльтӧмыс ва юӧм кодь?

Еремей 20:7

– Господьӧй, Тэ ылӧдлін менӧ, и менӧ лои ылӧдлӧма. Тэ вермин менӧ, ӧд Тэ меысь вынаджык. Быд лун сералӧны ме вылын, ставныс лёкӧдӧны менӧ.