Иов 1:8 - Коми Библия 2023

⁸ «Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс».

Иов 1:8 Referans Kwoze

Иов 2:3

«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс. Тэ ыззьӧдін Менӧ, медым Ме нинӧм абусьыс бырӧді сійӧс, но сійӧ важ мозыс зумыда кутчысьӧ сӧстӧмлунас».

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Иов 8:20

Енмыс мыжтӧмӧс оз ӧтдорт, лёк вӧчысь дор оз сувт.

Ӧксыяслӧн 4 небӧг 23:25

Таӧдз эз вӧв Иосей кодь ӧксыыс, коді эськӧ став сьӧлӧмнас, олӧмнас да став выннас шыасис Господь дінӧ да оліс Мӧисейлӧн Индӧд серти. И Иосейлӧн кулӧм бӧрти сы кодь ӧксыыс эз вӧв.

Псалтыр 84:11

Буралӧмыс да збыльыс паныдасясны, веськыдлуныс да лӧньлуныс окыштчасны.

Лыд 12:3

Му вылын олысь став йӧзсьыс Мӧисей вӧлі рамсьыс-рам мортӧн.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Иов 34:14

Сійӧ кӧ Ассьыс сьӧлӧмсӧ бергӧдас Асланьыс, Ассьыс ловсӧ да ловшысӧ бӧр босьтас,

Иов 12:4

Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Езекиль 40:4

Сійӧ шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый ме петкӧдла тэныд. Дзик та вӧсна тэнӧ татчӧ вайӧдӧма. Ставсӧ, мый аддзылан, висьтав Израиль войтырлы».

Псалтыр 36:1

Давидлӧн псалом. Эн дӧзмы лёк вӧчысьяс вылӧ, эн вежав Индӧд торкысьяс вылӧ.

Псалтыр 34:14

Ме кевмысьлі на вӧсна, кыдзи ёрт либӧ вок вӧсна. Ме ветлі шогсьӧмӧн да юрӧс ӧшӧдӧмӧн, бӧрді мам вӧсна моз.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Нав Исус 1:2

«Менам Мӧисей кесйӧгӧй куліс. Ӧні тэ вуджӧд Израиль войтырӧс Йӧрдан ю сайӧ сійӧ муас, мый Ме сета налы.

Иов 2:1

Енлӧн пиян бара локтісны да сувтісны Господь водзӧ. Накӧд тшӧтш локтіс сӧтана да сувтіс Господь водзӧ.