Biblia Todo Logo
Bib sou entènèt

- Piblisite -




Иов 1:3 - Коми Библия 2023

3 Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Gade chapit la Kopi




Иов 1:3
34 Referans Kwoze  

Ме индылі налы туйсӧ, вӧлі налы юралысьӧн, олі накӧд, кыдзи тышкайӧз пӧвстын ӧксы, вӧлі бурӧдысьӧн бӧрдысьяслы.


Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.


Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,


Соломонлӧн мывкыдлуныс вӧлі ёна ыджыдджык асыввылын олысь да Египетын олысь мывкыда йӧзлӧн дорысь.


Валаам шуис татшӧм кывъяс: – Арамысь, асыввывса керӧсъясысь, менӧ вайӧдіс Валак, моавса ӧксы. Шуис, лок пӧ да ёр Яковӧс, лёкӧд Израиль войтырӧс.


Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.


Сара вӧсна фараон вӧлі бур сьӧлӧма Ӧврам дінӧ. Сійӧ сетіс Ӧврамлы ыжъясӧс, мӧсъясӧс, осёлъясӧс, верблюдъясӧс, кесйӧг айуловӧс да аньясӧс.


Ӧврам босьтіс Сара гӧтырсӧ, вокыслысь Лот писӧ, став эмбурсӧ, йӧзӧс, кодъяс кесъялісны налы Харанын, да мӧдӧдчис Ханаан муӧ. Ханаанӧ воӧм бӧрын


Яков мӧдӧдчис асыввывса войтырлӧн муясӧ [арамей Бетуэллӧн Лаван пиыс дінӧ, коді вӧлі Ревеккалӧн вокыс, Яковлӧн да Исавлӧн чожныс].


Ыджыд овмӧс-эмбурныс вӧсна налы лои дзескыд ӧтвыв овнысӧ.


Сійӧ лэптіс аслыс каръяс, сылӧн вӧлі лыдтӧм-тшӧттӧм ыж-мӧс, ӧд Енмыс сетіс сылы уна озырлун.


Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.


Моавса Мешай нима ӧксылӧн вӧлі зэв уна ыж-меж. Сійӧ ыстыліс вот пыдди израильса ӧксылы сё сюрс баля да сё сюрс шыртӧм меж.


Маон карын оліс зэв озыр морт. Кармил карын сылӧн вӧлі ыджыд овмӧс: куим сюрс ыж да ӧти сюрс кӧза. Буретш сэні сійӧ шырис ассьыс ыжъяссӧ.


Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.


Ми кӧ вӧчам на ног, найӧ кутасны овны миянкӧд. Налӧн ыж-мӧсныс да эмбурныс тшӧтш лоӧ миян».


Олігас на сійӧ сеталіс козинъяс кесйӧг-гӧтыръясыслӧн пияныслы да ыстіс найӧс Исаак пи дорсьыс ылӧджык, асыввыв муясӧ.


Зевей да Салман ӧксыяс сэки вӧліны Каркор карын. Накӧд вӧлі дас вит сюрс морт, кодъяс колисны асыввыв войтыръяслӧн тышкайӧз пӧвстысь. А налӧн сё кызь сюрс тышкаморт усис тышын.


Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.


Давид пазӧдліс тайӧ муяссӧ, виавліс сэтчӧс айуловӧс и аньясӧс, а налысь ыж-мӧссӧ, осёлъяссӧ, верблюдъяссӧ да став кӧлуйсӧ босьтліс аскӧдыс. Быд пӧрйӧ тышысь воӧм бӧрти Давид петкӧдчывліс Акишлы.


Иовлӧн пияныс тшӧкыда чукӧртчывлісны ӧта-мӧд ордас. Быдӧн ас кадӧ аслас керкаын лӧсьӧдліс гаж, корліс сёйны-юны тшӧтш куимнан чойсӧ.


Тэ ӧд быд боксянь кытшалӧмыд сійӧс, сылысь гортсасӧ да став овмӧссӧ. Тэ бурсиан сылысь быд удж, сылӧн ыж-мӧскыс рӧдмӧ-содӧ.


Ті юаланныд, кӧні ӧні нималана мортлӧн керкаыс, кӧні лёк вӧчысьяслӧн оланіныс?


Ме ӧмӧй нимкодясьлі, мый менам уна озырлун, мый сы мындасӧ ме аслам киӧн шедӧді?


висьталі эськӧ Енлы аслам быд воськов йылысь, ӧксы моз эськӧ матыстчи Сы дінӧ.


сылӧн ёртъясыс вӧсна. Та бӧрын Господь сетіс Иовлы ставсӧ кык пӧв унджык, мый сылӧн вӧлі водзынсӧ.


Кедарлӧн рӧд йылысь да хацорса войтыръяс йылысь, кодъясӧс пасьвартіс вавилонса Навукодоносор ӧксы, Господь тадзи висьталӧ: – Чеччӧй, тышӧ петӧй Кедарлы паныд, бырӧдӧй асыввывса олысьясӧс.


Господь ёна бурсиис менсьым ыджыдӧс да сетіс сылы уна озырлун: ыжъясӧс да мӧсъясӧс, эзысь да зарни, кесйӧг айуловӧс да аньясӧс, верблюдъясӧс да осёлъясӧс.


кыксё кӧзаӧс, кызь ай кӧзаӧс, кыксё ыжӧс, кызь межӧс,


Озырлӧн вӧлі уна ыж-мӧс,


Эзысьсӧ Менаим чукӧртіс израильса озыр йӧзлысь. Быдӧнлы колӧ вӧлі вайны ветымын сикель эзысь, мед сетны ассурса ӧксылы. Та бӧрын ассурса ӧксы эновтіс Израиль му да бӧр муніс аслас муӧ.


Верблюдъяс вӧсна кывкутіс Измаилсянь чужысь Овил, осёлъяс вӧсна – Меронотысь Ехдей,


Swiv nou:

Piblisite


Piblisite