1 Господь тшӧктіс ыджыд черилы ньылыштны Ионаӧс. Куим лун да куим вой Иона вӧлі чери рушкуын.
Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,
Мед Енмыс виӧ менӧ, но ме лача кута, кӧсъя Сы водзын дорйысьны на.
Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.
Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.
Тіян пиысь кӧ кодкӧ сьӧкыдалӧ, мед кевмысьӧ. Нимкодясьӧ кӧ, мед сьылӧ Енмӧс ошкана сьыланкывъяс.
Ме бӧр локта Аслам оланінӧ да кута виччысьны, кытчӧдз найӧ оз гӧгӧрвоны мыжнысӧ да оз пондыны корсьны Менӧ.
Шорсьыс тэ пондан юны, а кырнышъяс кутасны вердны тэнӧ, кыдзи Ме тшӧкті налы».