Иона 1:6 - Коми Библия 2023

⁶ Корабльӧн веськӧдлысь локтіс сы дінӧ да шуис: «Мый тэ узян? Чеччы да кевмысь аслад Енлы. Гашкӧ, тӧд вылас усям Сылы да ловйӧн колям».

Иона 1:6 Referans Kwoze

Иона 3:9

Гашкӧ, Енмыс бурсьӧлӧмтчас да вештас Ассьыс ыпъялан скӧрлунсӧ миян вылысь, и ми ловйӧн колям».

Ӧксыяслӧн 2 небӧг 12:22

Давид шуис та вылӧ: «Ловъя дырйиыс ме видзалі да бӧрді, чайті, мый Господь бурсьӧлӧмтчас ме дінӧ, и кагаӧй оз кув.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Амос 5:15

Мустӧмтӧй лёксӧ да радейтӧй бурсӧ, веськыда мыждӧй ёрд вылын. Гашкӧ, Господь Ен Саваоф бурсьӧлӧмтчас Ӧсип рӧдысь ловйӧн кольӧмаяс дінӧ.

Ап. уджъяс 21:13

Павел воча шуис: «Мый ті бӧрданныд, менсьым сьӧлӧмӧс дойдаланныд? Ме дась лоны кӧрталӧмаӧн, весиг дась кувны Ерусалимын Господь Исус ним вӧсна».

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Езекиль 18:2

«Израиль муын ветлӧ татшӧм шусьӧг: ”Батьяс сёйисны кисьмытӧм виноград, а челядьныслӧн пиньясыс ёнтӧны”. Мыйла ті тадзи шуанныд?

Исай 3:15

Кыдзи ті лысьтанныд дзескӧдны Менсьым войтырӧс? Ті нартитанныд гӧльясӧс, – висьталӧ Ыджыдыс, Господь Саваоф.

Псалтыр 107:6

Енмӧй, Тэнӧ нимӧдӧмыс мед кыптас енэжъясысь на вылӧджык, Тэнад дзирдлуныд мед паськалас став му пасьтала!

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Римӧ 13:11

Тадзи вӧчӧй, ті ӧд тӧданныд, мый воис нин кад садьмыны миянлы. Мездмӧмыс ӧні ёна нин матын сэкъя дорысь, кор ми сӧмын на пондім эскыны.

Иона 3:8

Пасьталӧй шогалан паськӧм да вевттьӧй наӧн тшӧтш пемӧсъяснытӧ. Горзӧмӧн шыасьӧй Ен дінӧ, бергӧдчӧй мыжъяссьыныд да эновтчӧй виалӧм-дзескӧдӧмсьыныд.