Иона 1:16 - Коми Библия 2023

¹⁶ Корабль вылын ставнысӧ босьтіс Господьысь полӧм. Найӧ вайисны Господьлы вись да нӧшта кӧсйисны вайны кыв сетан висьяс.

Иона 1:16 Referans Kwoze

Псалтыр 50:14

Сет меным бара нимкодясьны мездмӧмысь, вына Ловнад ёнмӧд менӧ.

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Ап. уджъяс 5:11

Ыджыд полӧм босьтіс став эскысьясӧс да быдӧнӧс, коді та йылысь кывліс.

Марк 4:31

Енлӧн Юралӧмыс муӧ кӧдзӧм горчица тусь кодь. Став кӧйдыссьыс сійӧ медпосни.

Иона 1:10

Кывтысьясӧс ыджыд полӧм босьтіс. Найӧ тӧдісны, мый Иона пышйӧ Господьысь, ӧд сійӧ висьтавліс налы та йылысь. Та вӧсна пондісны шуасьны Иона вылӧ: «Мый тэ вӧчин!»

Даниил 6:26

Ме тшӧкта, мый быдлаын менам юраланінын мед поласны-тіраласны Данииллӧн Енмысь. Сійӧ – Ловъя Ен, помтӧг олысь Ен, Сылӧн юралӧмыс зумыд, Сылӧн ыджыдалӧмыс помасьлытӧм.

Исай 26:9

Войнас менам сьӧлӧмӧй гажтӧмтчӧ Тэысь, асывнас ме пытшкын лолӧй корсьысьӧ Тэнӧ. Кор му вылас ыджыдалӧ Тэнад веськыда мыждӧмыд, сэки му вылас олысьяс велӧдчӧны веськыдлунас.

Еклесиаст 5:4

Кӧсйысин кӧ да эн вӧч – тайӧ лёктор. Бурджык, он кӧ кӧсйысь.

Ӧксыяслӧн 4 небӧг 5:17

«Тэ кӧ он кӧсйы нинӧм босьтны, – шуис Нееман, – сідзкӧ, лэдз меным, аслад кесйӧглы, нуны аскӧд Израильысь сы мында му, мыйта вермасны нуны кык мул. Водзӧвылӧ ме, тэнад кесйӧг, кута вайны сотан висьяс да мукӧд висьяс Господьлы, ог мукӧд енъяслы.

Ёрдысьяс 13:16

Господьлӧн андел шуис Манойлы: «Ме олышта на тэнад корӧм серти, но ог кут сёйны сійӧ, мый тэ сёян. Кӧсъян кӧ, вай сійӧс Господьлы сотан вись пыдди». Маной эз тӧд, мый сы водзын Господьлӧн андел.

Олӧм 28:20

Яков кыв сетіс: «Лоас кӧ мекӧд [Господь] Ен да видзас менӧ туйын, сетас меным нянь да паськӧм,

Иона 1:14

Сэки найӧ шыасисны Господь дінӧ: «Господьӧй, корам Тэнӧ, эн бырӧд миянӧс тайӧ мортыс вӧсна, эн перйы миянлысь водзӧс мыжтӧмӧс виӧмысь. Господьӧй, Тэ вӧчин, мый кӧсйин».

Иов 37:24

Та вӧсна быдӧн мед вежавидзӧмӧн полас Сыысь. Сійӧ оз видзӧд на вылӧ, кодъяс лыддьӧны асьнысӧ мывкыдаӧн.

Еремей 5:22

Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.