Иона 1:12 - Коми Библия 2023

¹² Иона шуис: «Шыбитӧй менӧ саридзӧ, сэки сійӧ лӧняс. Ме тӧда, мый тайӧ ыджыд бушколыс кыптіс ме понда».

Иона 1:12 Referans Kwoze

Ӧксыяслӧн 2 небӧг 24:17

Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»

1 Каднебӧг 21:17

Давид шуис Енмыслы: «Войтырыслысь лыдсӧ тшӧкті лыддьыны-артавны ме. Ме мыжаыс. Ме вӧчи та ыджда лёкторсӧ, а тайӧ ыжъясыс абу мыжаӧсь. Господьӧй Енмӧй, мыжды менӧ да менсьым рӧдӧс, но Ассьыд войтыртӧ эн бырӧд!»

Нав Исус 7:12

Израиль пиян мышкӧн бергӧдчисны вӧрӧглы да пышйисны. Найӧ эз вермыны вӧрӧгӧс, ӧд веськалісны ёрӧм улӧ. Ёрӧм улӧ веськалӧмаӧс кӧ онӧ бырӧдӧй ас пӧвстсьыныд, Ме тіянкӧд ог ло.

Ап. уджъяс 27:24

Андел шуис: ”Эн пов, Павел. Тэныд ковмас на сувтны кесар водзӧ. Тэ ради Енмыс тшӧтш видзас тэкӧд кывтысьясӧс”.

Иоан 11:50

Ті ӧмӧй онӧ гӧгӧрвоӧй, мый миянлы бурджык лоӧ, кулас кӧ ӧти морт войтыр вӧсна, дзоньнас войтырыс бырӧм дорысь».

Еклесиаст 9:18

Мывкыдлуныд шыпурт дорысь бурджык, но ӧти мыжа морт бырӧдӧ уна буртор.

Иона 1:11

Саридз вылын гыяс ыдждісны. Та вӧсна юалісны: «Мый миянлы вӧчны тэкӧд, мед саридзыс лӧнис?»

Иона 1:13

Йӧзыс мыйвынсьыс пондісны сынны вадорлань, но эз вермыны, ӧд саридзыс ӧтарӧ гызис.

Иов 35:8

Тэнад мыж вӧчӧмыд инмӧ мортлы, тэнад веськыда олӧмыд – мувывса олысьлы.