Йоиль 3:21 - Коми Библия 2023

²¹ Налысь вирсӧ кисьтӧмысь Ме водзӧс перъя, Египетӧс да Эдомӧс ог коль мыждытӧг. Господь олӧ Сионын!

Йоиль 3:21 Referans Kwoze

Восьтӧм 21:3

Ме кылі енэжсянь гора шы. Сійӧ шуис: – Со, мувывса йӧз пӧвстын Енлӧн оланін! Енмыс кутас овны накӧд, найӧ лоӧны Сылӧн войтырӧн. Ачыс Енмыс лоас накӧд, да лоӧ налӧн Енмӧн,

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Езекиль 36:29

Мезда тіянӧс став пежсьыныд. Ме сета тіянлы уна нянь, ог лэдз тіянлы тшыгъявны.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Йоиль 2:27

Сэки ті тӧдмаланныд, мый Ме ола Израиль войтыр пӧвстын, мый Ме – Господь, тіян Енныд, и Меысь кындзи мӧд Енмыс абу. Менсьым войтырӧс некор оз ло янӧдӧма.