Йоиль 2:30 - Коми Библия 2023

³⁰ Енэжын и му вылын петкӧдла индысьпасъяс: вир, би да тшын.

Йоиль 2:30 Referans Kwoze

Лука 21:11

Уналаын лоас му вӧрӧм да тшыгъялӧм, йӧзсӧ суас кулана висьӧм. Лоасны повзьӧдана петкӧдчӧмъяс да енэжсянь индысьпасъяс.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Ёрдысьяс 20:40

Но карсьыс кутіс кыпӧдчыны тшын сюръя. Веняминсянь чужысьяс видзӧдлісны бӧрвыланыс да аддзисны, мый карыс ставнас тшынйыв кайӧ.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.

Олӧм 19:28

Видзӧдліс Содом да Гомора каръяслань, став ковтыс вылӧ да аддзис, мый ломтысьысь пачысь моз муысь кыптӧ тшын.

Восьтӧм 18:18

Найӧ видзӧдісны сотчысь карлӧн тшыныс вылӧ да горзісны: «Позяс ӧмӧй ӧткодявны тайӧ ыджыд карсӧ кутшӧмкӧ мӧд каркӧд?»

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Ёрдысьяс 20:38

Израильса тышкайӧз да кыйӧдчысьяс костын вӧлі сэтшӧм сёрнитчӧм, мый Гива карысь кыпӧдчысь тшын лоӧ пасӧн, мый кыйӧдчысьяс пырисны карас.

Нав Исус 8:20

Гайса айулов видзӧдлісны карлань да аддзисны, мый карныс сотчӧ, енэжӧ пуркйӧ тшын. Налы некытчӧ вӧлі муннысӧ, ӧд овтӧминлань пышйысь израильсаяс бергӧдчисны налы паныд.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Закар 14:6

Сійӧ лунӧ оз югды, кодзувъяс оз тыдовтчыны.