Йоиль 1:12 - Коми Библия 2023

¹² виноград косьмӧма, инжир нярмунӧма, гранат, финик да яблӧг пуяс нюкыртчӧмаӧсь – став пуыс косьмӧма. Йӧзыс воштісны гажлунсӧ.

Йоиль 1:12 Referans Kwoze

Исай 24:11

Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Исай 16:10

Бур вотӧса му вылын оз нин гажӧдчыны-нимкодясьны, виноград йӧръясын оз сьывны, оз нимкодясьны, пычкан гуын оз талявны виноград вотӧс, дугдіс кывны гажӧдчӧм шы.

Йоиль 1:16

Син водзаным бырис сёянным, Енлӧн крамын ланьтіс нимкодясьӧм-гажӧдчӧм.

Йоиль 1:10

Видз-муяс кушмисны, муыс бӧрдӧ, ӧд воӧм няньсӧ бырӧдӧма, виноград косьмӧма, олив пуяс нярмӧмаӧсь.

Сьылан 2:3

– Зонъяс пӧвстын менам мусукӧй быттьӧ вӧрса пуяс костын яблӧг пу. Сылӧн вуджӧр улын меным нимкодь пукавны, сылӧн вотӧсыс юмов менам вомын.

Аггей 2:19

Нянь йӧртӧдын ӧмӧй эм на кӧйдысыс? Виноград да инжир пу, гранат да олив пу ӧнӧдз на эз вайлыны вотӧссӧ, но ӧнісянь Ме бурсиа тіянӧс.

Еремей 48:33

– Моавын, бур вотӧса му вылын, оз нин гажӧдчыны-нимкодясьны. Ме пукті пом пычкан гуын виноград вотӧс талялӧмлы, сэні оз нин сьывны, кылӧ горзӧм, а оз нимкодясьӧм.

Еремей 48:3

Хоронаимсянь кылӧ бӧрдӧм шы, сійӧс куштӧны-бырӧдӧны.

Исай 9:3

Господьӧй, Тэ содтан-рӧдмӧдан тайӧ войтырсӧ, сетан налы ыджыд нимкодьлун. Найӧ пондасны ёна гажӧдчыны Тэ водзын, кыдзи гажӧдчӧны вундан кадӧ, кыдзи гажӧдчӧны тышын шедӧдӧм эмбур юклігӧн.

Сьылан 4:13

Тэ – сад йӧр, кӧні быдмӧны гранат, чӧскыд вотӧса пуяс, хна да нард,

Псалтыр 4:7

Унаӧн шуалӧны: «Коді сетас миянлы бурсӧ?» Господьӧй, петкӧдлы миянлы Аслад чужӧмбанлысь югыдсӧ.

Лыд 13:23

Найӧ мунісны Негев муӧ, сэсся воисны Хеврон карӧ, кӧні олісны Ахиман, Шешай да Талмай – Енаксянь чужысьяс. Хеврон карсӧ вӧлі лэптӧма египетса Цоан карысь сизим воӧн водзджык.

Исай 24:7

Виноград тусь нярмӧ, виноград пуяс косьмӧны, и гажӧдчысьяс сьӧкыда ышлолалӧны.

Иона 4:7

Мӧд луннас кыа петігӧн Ен ыстіс вегыльӧс. Вегыль кутіс сёйны быдмӧгсӧ, и сійӧ косьмис.

Малакий 3:11

Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –