Йоиль 1:10 - Коми Библия 2023

¹⁰ Видз-муяс кушмисны, муыс бӧрдӧ, ӧд воӧм няньсӧ бырӧдӧма, виноград косьмӧма, олив пуяс нярмӧмаӧсь.

Йоиль 1:10 Referans Kwoze

Осий 4:3

Та вӧсна муыс косьмас, став олысьыс сэні эбӧстӧммас. Зверъяс да енэжвыв лэбачьяс куласны, весиг саридзын чериыс пӧдас.

Осий 9:2

Гумлаыд да виноград пычкан гуыд оз пондыны вердны тэнӧ, выль винаыд тэнад оз нин ло.

Еремей 12:11

вӧчисны сійӧс овтӧминӧн. Куш муыс бӧрдӧ Ме водзын, сійӧс дзикӧдз куштӧма, некод оз тӧждысь сы вӧсна.

Йоиль 1:5

Садьмӧй, кодалысьяс, ырзӧмӧн бӧрдӧй, сыркъялӧмӧн бӧрдӧй, вина юысьяс, ӧд босьтӧма тіян вомдорысь винанытӧ.

Аггей 1:11

Ме мӧдӧді зэртӧм кад му вылӧ, керӧсъяс да кӧдзасъяс вылӧ, виноград да олив пуяс вылӧ, мувывса став быдтас вылӧ, йӧз вылӧ да ыж-мӧс вылӧ, видз-му уджъяс вылӧ.

Йоиль 1:12

виноград косьмӧма, инжир нярмунӧма, гранат, финик да яблӧг пуяс нюкыртчӧмаӧсь – став пуыс косьмӧма. Йӧзыс воштісны гажлунсӧ.

Еремей 48:33

– Моавын, бур вотӧса му вылын, оз нин гажӧдчыны-нимкодясьны. Ме пукті пом пычкан гуын виноград вотӧс талялӧмлы, сэні оз нин сьывны, кылӧ горзӧм, а оз нимкодясьӧм.

Еремей 12:4

Дыр-ӧ муыс кутас бӧрдны, дыр-ӧ туруныс кутас косьмыны видз вылын? Пемӧс-лэбач кулӧ, ӧд мувывса олысьяс лёксӧ вӧчӧны, шуалӧны, Енмыс пӧ оз аддзы, мый лоӧ миянкӧд.

Исай 24:11

Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Левит 26:20

Весьшӧрӧ вынтӧ пуктанныд, ӧд муныд оз сет быдтассӧ, пуясныд оз сетны тіянлы вотӧссӧ.

Олӧм 4:12

Тэ кутан вӧдитны мутӧ, но сійӧ оз сет тэныд нянь. Тэнӧ лоӧ вӧтлӧма, и тэ лоан му вылын шӧйтысьӧн».

Исай 15:6

Нимримысь ваыс бырӧма, видзьясыс косьмӧмаӧсь, туруныс сотчӧма, оз тыдав веж быдмӧгыс.

Исай 24:7

Виноград тусь нярмӧ, виноград пуяс косьмӧны, и гажӧдчысьяс сьӧкыда ышлолалӧны.

Йоиль 2:19

Господь шуас Аслас войтырлы: – Ме сета тіянлы нянь, вина да вый, ті пӧттӧдзныд понданныд сёйны. Водзӧ ог лэдз мукӧд войтырлы янӧдны тіянӧс.

Аввакум 3:17

Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,

Малакий 2:3

Тіян кесъялӧмлы Ме пукта пом, гажӧдчан лунӧ ваян висьныдлысь сітсӧ Ме шыблала чужӧманыд, сэсся тіянӧс сітыскӧд шыбитасны ортсӧ.