Иоан 9:7 - Коми Библия 2023

⁷ Сэсся шуис: «Мун да мыссьы Силоам вайӧртӧдын». Силоам нимыс, вуджӧдны кӧ, лоӧ ”мӧдӧдӧма”. Синтӧм морт муніс, мыссис да кутіс аддзыны.

Иоан 9:7 Referans Kwoze

Исай 35:5

Сэки синтӧмъяс пондасны аддзыны, пельтӧмъяс – кывны.

Иоан 11:37

Ӧткымынӧн шуисны: «Сійӧ бурдӧдіс синтӧмӧс. Эз ӧмӧй Сійӧ вермы Лазарӧс видзны кулӧмысь?»

Иоан 9:11

Сійӧ вочавидзис: «Исус нима морт вӧчис ляти, мавтіс сыӧн менсьым синмӧс да шуис: ”Мун да мыссьы Силоам вайӧртӧдын”. Ме муні да мысси, ӧні аддза».

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Исай 8:6

– Тайӧ войтырыс нинӧмӧ пуктӧ надзӧ визувтысь Силоам ю, но ошйысьӧ Рецинӧн да Ремальлӧн пиӧн.

Псалтыр 146:8

Сійӧ вевттьӧ енэжсӧ кымӧръясӧн, мӧдӧдӧ му вылӧ зэр, керӧсъяс вылын быдтӧ турун [и мортлы сетӧ нянь].

Лука 13:4

Мый шуанныд дас кӧкъямысыс йылысь, кодъяс вылӧ Силоамын усис башня да лямӧдіс кувтӧдзныс? Вӧліны-ӧ найӧ мыжаджыкӧсь Ерусалимын мукӧд олысьяс дорысь?

Исай 42:7

медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.

Неемий 3:15

Дзульк дзиръя дзоньталіс Кол-Хозелӧн Шаллун пиыс, Миспа гӧгӧр муӧн веськӧдлысь. Сійӧ вӧчис дзиръясӧ, дзиръялы лэптіс лэбув, сувтӧдіс ӧдзӧсъяс да пуктіс сэтчӧ иган-тасъяс. Нӧшта сійӧ лэптіс стенсӧ Шелах вайӧртӧд дорын, ӧксылӧн сад йӧр дорті Давид карысь лэччан поскӧдз.

Петӧм 4:11

Господь вочавидзис Мӧисейлы: «Коді вӧчис мортлысь вомсӧ? Коді вӧчӧ мортӧс кывтӧмӧн либӧ пельтӧмӧн, синмаӧн либӧ синтӧмӧн? Ог-ӧ Ме, Господь [Ен]?

Галатӧ 4:4

А кор воис урчитӧм кадыс, Енмыс мӧдӧдіс Ассьыс Писӧ, кодӧс ань чужтіс. Ен Пи оліс Индӧд улын,

Римӧ 8:3

Ен вӧчис сійӧ, мый эз вӧв вермана Индӧдыслы, ӧд мортлӧн тшыкӧм вир-яй вӧсна Индӧдыс вӧлі вынтӧм. Миян мыжъяс вӧсна Енмыс мӧдӧдіс Ассьыс Писӧ мыжа морт кодьӧн. Тадзи морт вир-яйын Сійӧ мыждіс мортлысь мыжсӧ,

Иоан 10:36

сідзкӧ, мыйла ті шуанныд Менӧ Енмӧс омӧльтысьӧн, Ме кӧ шуа ачымӧс Ен Пиӧн? Ӧд Менӧ Батьӧй вежӧдіс да мӧдӧдіс муюгыдас.

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Исай 43:8

Петкӧд синтӧм войтырӧс, налӧн эм синъяс, но оз аддзыны, петкӧд пельтӧмъясӧс, налӧн эм пельяс, но оз кывны.

Исай 32:3

Видзӧдысьлӧн синмыс оз нин куньсьы, кывзысьлӧн пельыс кутас сюся кывзыны.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.