Иоан 9:35 - Коми Библия 2023

³⁵ Исус кывліс бурдӧдӧм мортӧс вӧтлӧм йылысь, корсис сійӧс да юаліс: «Эскан-ӧ тэ Ен Пилы?»

Иоан 9:35 Referans Kwoze

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

1 Иоан 5:13

Тайӧс гижи тіянлы, Ен Пи нимӧ эскысьяслы, мед ті тӧдінныд, мый Ен Пилы эскӧмныд вӧсна тіян эм помтӧм олӧм.

Иоан 10:36

сідзкӧ, мыйла ті шуанныд Менӧ Енмӧс омӧльтысьӧн, Ме кӧ шуа ачымӧс Ен Пиӧн? Ӧд Менӧ Батьӧй вежӧдіс да мӧдӧдіс муюгыдас.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

1 Иоан 5:5

Коді вермӧ муюгыдсӧ? Сійӧ, коді эскӧ, мый Исус эм Енлӧн Пи.

1 Иоан 4:15

Коді шуӧ Исусӧс Ен Пиӧн, Енмыс сы пытшкын, а сійӧ Ен пытшкын.

Римӧ 10:20

Исай повтӧг висьталӧ Енлысь шуӧмсӧ: – Менӧ аддзисны найӧ, кодъяс эз корсьны Менӧ. Ме восьті Ачымӧс налы, кодъяс эз корны тайӧс.

Римӧ 1:4

Кулӧмысь ловзьӧмнас Сійӧ воссис Вына Ен Пиӧн да Ловсянь вежаӧн. Сійӧ – Исус Кристос, миян Господь.

Ап. уджъяс 9:20

Савл дзик пыр пондіс юӧртны-висьтавны синагогаясын, мый Исус эм Ен Пи.

Ап. уджъяс 8:36

Сэккості найӧ воисны вадорӧ, евнук шуис: «Со ваыс. Мый менӧ кутӧ пыртчӧмысь?»

Иоан 20:28

Фома вочавидзис: «Господьӧй, менам Енмӧй!»

Иоан 11:27

Марпа шуис: «Эска, Господьӧй! Ме эска, мый Тэ – Кристос, Ен Пи, кодлы колӧ вӧлі локны муюгыдас».

Иоан 6:69

Ми эскам да тӧдам: Тэ – Кристос, ловъя Енлӧн Пи».

Иоан 5:14

Та бӧрти Исус аддзис бурдӧм мортӧс крамысь да шуис сылы: «Ӧні тэ бурдін. Водзӧ эн вӧч мыжсӧ, медым тэныд лёкджык эз ло».

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 1:34

Ме аддзылі тайӧс да эскӧда тіянӧс: Сійӧ – Ен Пи».

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Марк 1:1

Исус Кристос, Ен Пи йылысь Евангелльӧ пансьӧ,

Матвей 16:16

Симон-Петыр вочавидзис: «Тэ – Кристос, ловъя Енлӧн Пи».

Матвей 14:33

Пыжын пукалысьяс копыртчисны Исус водзӧ да шуисны: «Тэ збыльысь Ен Пи».

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 2:7

Ме висьтала Господьлысь кывъяссӧ. Сійӧ шуис Меным: «Тэ – Менам Пи, талун Ме лои Тэныд Батьӧн.

Матвей 4:3

Сэки Сы дінӧ локтіс ыштӧдысь да шуис: «Тэ кӧ Ен Пи, пӧрт тайӧ изъяссӧ няньӧ».

Иоан 9:22

Бать-мамыс шуисны тадзи, ӧд найӧ полісны иудейяслӧн веськӧдлысьясысь. Веськӧдлысьяс сёрнитчӧмаӧсь, мый быдӧнӧс, коді Исусӧс пуктӧ Кристос туйӧ, вӧтласны синагогаысь.

Иоан 9:34

Сылы вочавидзисны: «Тэ дзоньнас мыж пытшкын чужӧмыд, а лысьтан миянӧс велӧдны!» Сэсся вӧтлісны сійӧс.

3 Иоан 1:10

Та вӧсна, кор ме локта, казьтышта сылы уджъясыс йылысь: сійӧ ӧд паськӧдӧ миян йылысь лёк сёрни. Но тайӧ этша на, сійӧ вокъясӧс оз сибӧд, тшӧтш мукӧдыслы оз лэдз тайӧс вӧчны. А сибӧдны кӧсйысьясӧс весиг вӧтлӧ вичкосьыс.

Ап. уджъяс 8:37

Филип шуис сылы: «Став сьӧлӧмсяньыд кӧ эскан, позьӧ». Евнук вочавидзис: «Эска, мый Исус Кристос – Ен Пи».