Иоан 9:31 - Коми Библия 2023

³¹ Ми тӧдам, мый Ен оз кывзы мыжаясӧс. Но коді бурӧ пуктӧ Енсӧ да олӧ Сылӧн кӧсйӧм серти, Енмыс кывзӧ сійӧс.

Иоан 9:31 Referans Kwoze

Шусьӧгъяс 15:29

Лёк вӧчысь дінысь Господь ылын, а веськыда олысьлысь кевмысьӧмсӧ Сійӧ кылӧ.

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Шусьӧгъяс 28:9

Коді оз кӧсйы кывзыны Индӧдсӧ, сылӧн кевмысьӧмыс – зывӧк.

Микей 3:4

Сэсся ті шыасянныд Господь дінӧ, но Сійӧ оз кыв тіянӧс, Сійӧ тупкас чужӧмсӧ тіян лёк вӧчӧмныд понда.

Закар 7:13

Ме шыасьлі на дінӧ, но найӧ эз кывзыны Менӧ. Тадзи жӧ Ме найӧс эг кывзы, кор найӧ шыасьлісны Ме дінӧ, – висьталӧ Господь Саваоф. –

Шусьӧгъяс 21:13

Коді оз кыв гӧль мортлысь бӧрдӧмӧн корӧмсӧ, сійӧс асьсӧ оз кывны, кор кутас бӧрдны-корны.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иов 42:8

Та вӧсна босьтӧй сизим ӧшкӧс, сизим межӧс да мунӧй Менам Иов кесйӧг дінӧ. Вайӧй ас вӧснаныд сотан вись, а Менам Иов кесйӧгӧй кевмысяс тіян вӧсна. Ме сибӧда сылысь кевмысьӧмсӧ – тадзи тіянӧс ог янӧд сыысь, мый ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй».

Иов 35:12

Йӧзыс горзӧмӧн отсӧг корӧны, но налӧн вылӧ кыпӧдчӧм да лёклун вӧсна Енмыс налы оз вочавидз.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Еремей 15:1

Господь шуис меным: «Весиг кӧ Мӧисей да Самуил сувтасны Ме водзӧ да кутасны кевмысьны, Ме ог бурсьӧлӧмтчы тайӧ войтырыс дінӧ. Вӧтлы найӧс Менам син водзысь!

Еремей 11:11

Та вӧсна Господь тадзи висьталӧ: «Ме мӧдӧда на вылӧ шог, и найӧ оз вермыны сыысь пышйынысӧ. Найӧ шыасясны Ме дінӧ, но Ме ог кыв найӧс.

Исай 58:9

Тэ шыасян Господь дінӧ, и Сійӧ кылас тэнӧ, тэ чукӧстан Сійӧс отсӧг вылӧ, и Сійӧ шуас: «Ме тані». Бырӧдан кӧ ас пӧвстсьыд быдпӧлӧс сьӧктӧдан сийӧс, дугдан кӧ мӧд вылӧ индавны чуньнад да паськӧдны лёк сёрнияс,

Псалтыр 143:10

Тэ мездан ӧксыясӧс, Ассьыд Давид кесйӧгтӧ Тэ мездан лэчыд шыпуртысь.

Олӧм 20:7

Ӧні гӧтырсӧ бӧр сет верӧсыслы, ӧд сійӧ пророк. Сійӧ кевмысяс тэ вӧсна, и тэ ловйӧн колян. А он кӧ сет, тэ гортсаыдкӧд кулан».

Олӧм 19:29

Ковтысысь каръяссӧ бырӧдігӧн Ен эз вунӧд Ӧвраамӧс, и отсаліс Лотлы петны бырӧдан карысь, кӧні сійӧ оліс.

Псалтыр 106:23

Кодсюрӧ кывтісны корабльяс вылын саридзӧд, сэні перйисны аслыныс кынӧмпӧт.

Псалтыр 40:8

Менӧ мустӧмтысьяс вашкӧдчӧны ас костаныс, мӧвпалӧны меным лёксӧ вӧчны.

Еврейяслы 10:7

Сэки Ме шуи: со, Ме локті, кыдзи гартӧм гижӧдас Ме йылысь гижӧма. Енмӧй, ме кӧсъя збыльмӧдны Тэнсьыд кӧсйӧмтӧ.

Индӧд 1:45

Локтӧм бӧраныд ті бӧрдінныд Господь водзын, но Господь эз кыв и эз кывзы тіянӧс.

Иов 35:13

Енмыс збыльысь оз кыв налысь ковтӧм кывъяссӧ, Ставсӧвермысь оз видзӧдлы на вылӧ.

Иоан 9:30

Бурдӧм морт вочавидзис: «Тайӧ ёна шензьӧдӧ! Сійӧ бурдӧдіс менсьым синмӧс, а ті онӧ тӧдӧй, кытысь Сійӧ.

Иоан 9:32

Му пуксьӧмсяньыс эз на вӧв татшӧмыс, мый чужӧмсяньыс синтӧмӧс кодкӧ бурдӧдіс.

Иоан 11:22

Но весиг ӧні тӧда: мый коран Енмыслысь, Сійӧ сетас Тэныд».