Иоан 8:55 - Коми Библия 2023

⁵⁵ Ті онӧ тӧдӧй Сійӧс, а Ме тӧда. Ме кӧ шуа, мый ог тӧд Сійӧс, сэки лоа тіян кодь пӧръясьысьӧн. Но Ме тӧда Сійӧс да ола Сылӧн кывъясыс серти.

Иоан 8:55 Referans Kwoze

Иоан 8:19

Сэки юалісны Исуслысь: «Кӧні Тэнад Батьыд?» Исус вочавидзис: «Ті онӧ тӧдӧй Менӧ и онӧ тӧдӧй Менсьым Батьӧс. Ті кӧ тӧдінныд Менӧ, тӧдінныд эськӧ тшӧтш Менсьым Батьӧс».

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Иоан 8:51

Веськыда, веськыда висьтала тіянлы: Менам кывъяс серти олысь некор оз кув».

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

Иоан 15:21

Ставсӧ тайӧс найӧ вӧчасны Менам ним вӧсна, ӧд найӧ оз тӧдны Менӧ Мӧдӧдысьӧс.

1 Иоан 2:22

Коді нӧ ылӧдчысьыс? Абу-ӧ сійӧ, коді шуӧ, Исус пӧ абу Кристос? Татшӧмыс антикрист. Сійӧ соссьӧ Батьсьыс да Письыс.

1 Иоан 2:4

Коді шуӧ, ме пӧ тӧда Сійӧс, но торкӧ Сылысь тшӧктӧмъяссӧ, сійӧ пӧръясьӧ, да сы пытшкын збыльыс абу.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Ап. уджъяс 17:23

Ветлӧдлігӧн ме видзӧдалі тіянлысь юрбитанінъястӧ да аддзи ”тӧдтӧм енлы” гижӧда висьпуктанін. Буретш тайӧ тӧдтӧм Ен йывсьыс, кодлы ті юрбитанныд, ме и висьтала.

Иоан 17:25

Веськыда вӧчысь Батьӧй, муюгыдыс оз тӧд Тэнӧ, а Ме тӧда Тэнӧ. Ӧні Тэнад сетӧмаясыд тшӧтш тӧдӧны, мый Тэ Менӧ мӧдӧдін.

Иоан 16:3

Найӧ вӧчасны тадзи, ӧд Батьӧс да Менӧ найӧ оз тӧдны.

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 10:15

Кыдзи Батьӧй тӧдӧ Менӧ, сідзи Ме тӧда Батьӧс. Ассьым олӧмӧс Ме сета ыжъясӧй вӧсна.

Иоан 8:29

Менӧ Мӧдӧдысьӧй Мекӧд. Батьӧй эз коль Менӧ ӧтнамӧс, ӧд Ме ставсӧ вӧча Сылӧн кӧсйӧм серти».

Иоан 6:46

Йӧзыс эз аддзывлыны Батьӧс, сӧмын Енсянь Локтысь аддзыліс Батьсӧ.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Лука 10:22

Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Иоан 8:52

Иудейяс шуисны Исуслы: «Ӧні ми тӧдам, мый Тэ пытшкын пеж лов. Ӧвраам куліс, пророкъяс кулісны, а Тэ шуан, Менам кывъяс серти олысь пӧ некор оз кув.

1 Иоан 1:6

Шуам кӧ, мый ми ӧтув Сыкӧд, а асьным ветлам пемыдас, сідзкӧ, пӧръясям да огӧ олӧй збыльыс серти.