Иоан 8:23 - Коми Библия 2023

²³ Исус шуис налы: «Ті улісянь, а Ме вылісянь. Ті тайӧ муюгыдсьыс, а Ме абу тайӧ муюгыдсьыс.

Иоан 8:23 Referans Kwoze

Иоан 3:31

Вылісянь Локтысьыс ставсьыс вылын. Мувывса мортсӧ вӧчӧма муысь, сійӧ сёрнитӧ мувывсаыс йылысь. А енэжсянь Локтысьыс ставсьыс вылын.

Иоан 17:16

Найӧ Ме моз абу тайӧ муюгыдсьыс.

Иоан 17:14

Ме висьталі налы Тэнсьыд кывтӧ. Муюгыдыс мустӧмтӧ найӧс, ӧд найӧ Ме моз абу тайӧ муюгыдсьыс.

Яков 4:4

Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.

Псалтыр 17:4

Ме шыася ёна ошкана Господь дінӧ, Сійӧ мездас менӧ мустӧмтысьясысь.

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.