Иоан 7:36 - Коми Библия 2023

³⁶ Кыдзи гӧгӧрвоны Сылысь кывъяссӧ: ”Ті кутанныд корсьны Менӧ, но онӧ аддзӧй. Кӧні Ме лоа, сэтчӧ ті онӧ вермӧй локнысӧ”?»

Иоан 7:36 Referans Kwoze

Иоан 3:9

Никодим юаліс Сылысь: «Вермас ӧмӧй тадзи лоны?»

Иоан 7:34

Ті кутанныд корсьны Менӧ, но онӧ аддзӧй. Кӧні Ме лоа, сэтчӧ ті онӧ вермӧй локнысӧ».

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

Иоан 12:34

Йӧзыс шуисны Сылы: «Ми тӧдам Индӧдысь, мый Кристос помтӧг олӧ. Сідзкӧ, мыйла Тэ шуан, Морт Пиӧс пӧ кыпӧдасны? Коді сійӧ Морт Пиыс?»

Иоан 6:60

Исуслысь висьталӧмсӧ кывзігӧн велӧдчысьяс пӧвстысь унаӧн шуасисны: «Кутшӧм гӧгӧрвотӧмторъяс Сійӧ висьталӧ! Коді вермас кывзыны тайӧс?»

Иоан 6:52

Сэки иудейяс пондісны вензьыны ас костаныс: «Кыдзи Сійӧ вермас сетны Ассьыс яйсӧ сёйны миянлы?»

Иоан 6:41

Иудейяс дӧзмисны, кор Исус шуис, мый Сійӧ енэжсянь лэччӧм нянь.

Иоан 3:4

Никодим юаліс Сылысь: «Вермас-ӧ мортыс выльысь чужны, пӧрысь кӧ нин сійӧ? Ӧд сійӧ оз вермы мам кынӧмас бӧр пырны да мӧдысь чужны».

Иоан 8:21

Исус бара висьталіс йӧзыслы: «Ме регыд муна. Ті кутанныд корсьны Менӧ, но мыж пытшканыд куланныд. Кытчӧ Ме муна, сэтчӧ ті онӧ вермӧй локнысӧ».

Иоан 13:33

Челядь, Меным этша нин колис овны тіянкӧд, сэсся кутанныд корсьны Менӧ. Ӧні висьтала тіянлы сійӧ, мый коркӧ висьтавлі иудейяслы: кытчӧ Ме муна, сэтчӧ ті онӧ вермӧй локнысӧ.