Иоан 7:3 - Коми Библия 2023

³ Исуслӧн вокъясыс шуисны Сылы: «Эн кольччы татчӧ, мун Иудея муӧ, медым велӧдчысьясыд тшӧтш аддзасны Тэнсьыд уджъястӧ.

Иоан 7:3 Referans Kwoze

Матвей 12:46

Йӧзкӧд Исуслӧн сёрнитігкостіыс локтісны Сылӧн мамыс да вокъясыс. Найӧ сулалісны ывлаас да кӧсйисны сёрнитыштны Сыкӧд.

Иоан 7:5

Исуслӧн вокъясыс эз эскыны Сылы.

Ап. уджъяс 2:14

Петыр сувтіс дас ӧтиыскӧд да гораа шыасис: «Иудей войтыр да Ерусалимын мукӧд олысьяс! Кывзӧй менӧ да тӧд выланыд босьтӧй менсьым висьталӧмӧс.

Иоан 7:10

Но кор вокъясыс мунісны гажӧдчанінӧ, Исус тшӧтш муніс сэтчӧ гусьӧн.

Лука 8:19

Исус дінӧ локтісны мамыс да вокъясыс, но уна йӧз вӧсна найӧ эз вермыны матыстчыны Сы дінӧ.

Марк 3:31

Локтісны Исуслӧн мамыс да вокъясыс. Ывлаас сулалігӧн найӧ мӧдӧдісны корны Сійӧс.

Еремей 12:6

Весиг тэнад вокъясыд да рӧдвужыд ылӧдлӧдны тэнӧ, бӧрвывсяньыд гораа горзӧны тэ вылӧ. Но найӧ кӧ весиг бурногӧн кутасны сёрнитны тэкӧд, тэ эн эскы налы.

Ӧксыяслӧн 1 небӧг 17:28

Давидлӧн Элиав нима ыджыд вокыс кывліс Давидлысь юасьӧмсӧ. Сійӧ скӧрмис Давид вылӧ да шуис: «Тэ мыйла татчӧ локтін? Кодлы овтӧминад эновтін ичӧт ыж чукӧртӧ? Ме тӧда тэнсьыд асныралӧмтӧ да ыкшаасьӧмтӧ. Тэ локтін, медым видзӧдлыны тышсӧ».

Олӧм 37:20

Мунамӧй, виам сійӧс да шыбитам юкмӧсӧ. Гортаным висьталам, мый лёк звер сійӧс косявліс. Сэки видзӧдлам, инасны оз сылӧн вӧтъясыс».

Марк 3:21

Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас.

Иоан 2:2

Исусӧс да велӧдчысьяссӧ тшӧтш вӧлі корӧмаӧсь тайӧ кӧлысь вылас.

Иоан 6:60

Исуслысь висьталӧмсӧ кывзігӧн велӧдчысьяс пӧвстысь унаӧн шуасисны: «Кутшӧм гӧгӧрвотӧмторъяс Сійӧ висьталӧ! Коді вермас кывзыны тайӧс?»

Иоан 6:66

Та бӧрти велӧдчысьясысь унаӧн эновтісны Сійӧс, эз нин ветлӧдлыны Сыкӧд.

Иоан 7:4

Мортыс кӧ кӧсйӧ, медым тӧдісны сы йылысь, сійӧ оз кут дзебны ассьыс уджъяссӧ. Тэ сы ыджда уджъяс вӧчан, сідзкӧ, петкӧдчы йӧзыслы».

Лука 8:20

Исуслы висьталісны: «Мамыд да вокъясыд ывлаасӧсь, Тэнӧ кӧсйӧны аддзӧдлыны».