20 Исус шуис: «Энӧ полӧй, тайӧ Ме».
Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.
Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.
Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –
Ставныс ёна повзисны. Исус дзик пыр шыасис на дінӧ: «Лӧньӧй, тайӧ Ме. Энӧ полӧй».
Сійӧ шуис налы: «Энӧ полӧй. Ме тӧда, ті корсянныд тувъявлӧм Назаретса Исусӧс. Сійӧ ловзис. Сійӧ тані абу. Видзӧдлӧй куйланінсӧ, татчӧ Сійӧс пуктылісны.
Ӧд мыжыс тупкӧма сылысь синсӧ, сійӧ оз аддзы да оз мустӧмт ассьыс мыжъяссӧ.
Нёль-ӧ-вит верст сынӧм бӧрын велӧдчысьясыс аддзисны Исусӧс. Сійӧ ва вывті матыстчис налӧн пыж дінӧ. Найӧ ёна повзисны.
Найӧ кӧсйисны босьтны Исусӧс пыжас, но пыжыс пырысь-пыр матыстчис мӧдлапӧлас, кытчӧ найӧ кывтісны.
