Иоан 6:11 - Коми Библия 2023

¹¹ Исус босьтіс няньсӧ, аттьӧаліс Енмӧс да сетіс велӧдчысьясыслы. Велӧдчысьяс разӧдісны няньсӧ пукалысьяслы. Черисӧ тшӧтш разӧдісны быдӧнлы, коді мыйта кӧсйис.

Иоан 6:11 Referans Kwoze

Иоан 6:23

Тиверия карсянь локтісны пыжаяс да сувтісны сэтчӧ, кӧні Енмӧс аттьӧалӧмӧн Господь водзынджык вердіс йӧзсӧ.

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

Римӧ 14:6

Лунъяс торйӧдысь – Господь понда найӧс торйӧдӧ, коді оз торйӧд – Господь понда оз торйӧд. Быдтор сёйысь – Господь понда сёйӧ да Енсӧ аттьӧалӧ, коді оз сёй быдторсӧ – Господь понда оз сёй да тшӧтш Енсӧ аттьӧалӧ.

Матвей 15:36

Ачыс босьтіс сизим няньсӧ да черисӧ, Енмӧс аттьӧалӧмӧн чегъяліс няньсӧ да сетіс велӧдчысьясыслы, а велӧдчысьяс – йӧзыслы.

Лука 24:30

Сёйиганыс Исус босьтіс нянь, Енмӧс аттьӧалӧмӧн чегъяліс няньсӧ да сетіс налы.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

Ап. уджъяс 27:35

Тайӧс шуӧм бӧрын босьтіс нянь, ставныслӧн син водзын Енмӧс аттьӧалӧмӧн чегъяліс да пондіс сёйны.

Ӧксыяслӧн 1 небӧг 9:13

Ті суанныд сійӧс, ӧд сійӧ эз на пет карсьыс, медым мунны вись ваян мыльк вылӧ сёйны. Йӧзыс оз кутны сёйны, кытчӧдз сійӧ оз лок да оз бурси вайӧм висьсӧ. Та бӧрти корӧмаяс вӧлисти кутасны сёйны. Мунӧй, ті сійӧс суанныд на».

Иоан 6:9

«Тані ӧти зонкалӧн эм вит ид нянь да кык чери. Но тайӧ ӧмӧй тырмас та мындаыслы?»

Иоан 21:9

Вадорас матыстчӧм бӧрын найӧ аддзисны ӧгыръяс вылысь чери, орччӧн вӧлі нянь.

Иоан 21:10

Исус шуис налы: «Вайыштӧй кыйӧм черинытӧ».

Иоан 21:13

Исус матыстчис, босьтіс няньсӧ да сетіс сійӧс велӧдчысьясыслы, черисӧ тшӧтш сетіс.