Иоан 5:3 - Коми Библия 2023

³ Пыранінъясас куйліс зэв уна висьысь: синтӧмъяс, коктӧмъяс, косьмӧм ки-кокаяс. Найӧ виччысисны ва гызьӧм.

Иоан 5:3 Referans Kwoze

Лука 7:22

Исус вочавидзис: «Мунӧй, висьталӧй Иоанлы, мый аддзанныд да кыланныд: – Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Матвей 15:30

Сы дінӧ чукӧртчис уна йӧз. На пӧвстын вӧліны китӧм-коктӧмъяс, синтӧмъяс, сёрниттӧмъяс да мукӧд висьысьяс. Найӧс вайӧдісны Исус водзӧ, и Сійӧ бурдӧдаліс найӧс.

Закар 11:17

– Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Бӧрданкыв 3:26

Бур, кор чӧла виччысян мездмӧмсӧ Господьсянь.

Яков 5:7

Вокъяс, терпитӧмӧн виччысьӧй Господьлысь локтӧмсӧ. Видзӧдлӧй, кутшӧм терпитӧмӧн му вӧдитысь виччысьӧ муыслысь дона быдтассӧ. Сійӧ виччысьӧ арся да тувсов зэръяс.

Римӧ 8:25

Ми кӧ лача кутам аддзытӧм вылас, сэки виччысям терпитӧмӧн.

Шусьӧгъяс 8:34

Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.

Ӧксыяслӧн 3 небӧг 13:4

Кор Еровам ӧксы кыліс Енлӧн мортлысь вефильса висьпуктанін йылысь шуӧмсӧ, сійӧ висьпуктанінсянь индіс кинас Енлӧн морт вылӧ да горӧдіс: «Босьтӧй сійӧс!» Сэки Еровамлӧн нюжӧдӧм киыс косьмис, и сійӧ бӧрсӧ эз вермы кусыньтны кисӧ.

Матвей 4:24

Сы йылысь юӧрыс разаліс Сирия му пасьтала. Исус дінӧ вайӧдлісны быдсикас висьысьӧс-вермытӧмӧс, пеж лолӧн кутӧмаясӧс, шыблалан висьӧмӧн висьысьясӧс, ки-коксӧ вӧрзьӧдны вермытӧмъясӧс. Сійӧ быдӧнӧс бурдӧдіс.

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.