6 Вир-яйсянь чужысь эм вир-яй, а Ловсянь чужысь эм лов.
Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.
Енсянь чужысь оз вӧч мыжсӧ, сы пытшкӧ бур кӧйдыс вужъясьӧма. Татшӧмыс мыжсӧ вӧчны оз вермы, ӧд сійӧ Енсянь чужӧма.
А Господькӧд ӧтувтчысь лоӧ Сыкӧд ӧти лола.
Тӧда, мый ме пытшкын, менам тшыкӧм вир-яйын, бурыс абу. Бурсӧ вӧчны кӧсйӧмыс эм, но сійӧ оз артмы.
[Господь] Ен видзӧдліс му вылӧ да аддзис, мый муыс тшыкӧма, быдӧн пежалӧма ассьыс олӧмсӧ.
А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.
Вермас-ӧ морт лоны Ен водзын веськыдӧн, вермас-ӧ аньсянь чужысь лоны сӧстӧмӧн?
Коді вермас пежсянь чужны сӧстӧмӧн? Некод оз.
Оланныд кӧ вир-яй серти, куланныд, а Ен Лолӧн кӧ вианныд тшыкӧм уджъяснытӧ, понданныд овны.
Коркӧ ми ставным вӧлім на кодьӧсь: олім шогмытӧма, вир-яйлӧн кӧсйӧм серти. Татшӧм оласногысь миянӧс мукӧдсӧ моз виччысис Енлӧн скӧрлуныс.
Сы пытшкын тіянӧс вундыштӧма, но вундыштӧма абу морт киӧн. Кристослӧн вундыштӧмыс мездіс тіянӧс мыжа тшыкӧм вир-яйысь.
Кодъяс Кристослӧн, найӧ тувъялісны вир-яйсӧ став сылӧн лёк кӧсйӧмнас.
Найӧ чужисны эз вирсянь, эз морт кӧсйӧмсянь, эз верӧс кӧсйӧмсянь, а чужисны Енсянь.
Тшыкӧм вир-яйын оліганым лёк кӧсйӧмыс ыджыдаліс миян пытшкын Индӧдыс отсӧгӧн, сэки ми вайим вотӧс кулӧмыслы.
Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,
Адамлы вӧлі сё комын арӧс, кор сылӧн чужис сы кодь пи. Адам пуктіс сылы Сиф ним.
Аттьӧала Енмӧс миян Господь Исус Кристосысь! Тадзи менам пытшкӧсса мортыс кывзысьӧ Ен Индӧдлысь, а тшыкӧм вир-яйыс – мыжыслӧн индӧдлысь.
Эн шензьы, Ме кӧ висьтала, мый тіянлы колӧ выльысь чужны.
