Иоан 3:34 - Коми Библия 2023

³⁴ Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Иоан 3:34 Referans Kwoze

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Матвей 12:18

– Со, Менам Кесъялысьӧй, Менам мусаӧй, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым Лолӧс. Сійӧ ваяс веськыда мыждӧм быд войтырлы.

Колосӧ 2:9

Кристосын, Сылӧн морт вир-яйын, тыдовтчис Енлӧн став тырвыйӧлуныс.

Иоан 5:26

Батьыс сетӧ олӧм быдӧнлы, Пиыслы Сійӧ тшӧтш сетіс вын – сетны олӧм быдӧнлы.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Колосӧ 1:19

Тадзи Енмыс лӧсьӧдіс, медым Пиыс пытшкын оліс став тыр-бурыс,

Римӧ 8:2

Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.

Иоан 7:16

Исус вочавидзис: «Менам велӧдӧмӧй абу Месянь, но Менӧ Мӧдӧдысьсянь.

Иоан 3:17

Енмыс мӧдӧдіс Ассьыс Писӧ муюгыдас мездыны йӧзсӧ, а эз мыждыны.

Иоан 1:16

Миянлы быдӧнлы Сы озырлунысь вичмис буралӧм вылӧ буралӧм.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Иоан 8:47

Коді Енсянь, сійӧ кывзӧ Енлысь кывъяссӧ. А ті онӧ кывзӧй, ӧд ті абу Енсянь».

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Иоан 16:7

Ме висьтала тіянлы збыльсӧ: бурджык лоӧ, Ме кӧ муна. Ог кӧ мун, сэки Дорйысь оз лок тіян дінӧ, а муна кӧ, мӧдӧда Сійӧс тіян дінӧ.

Ӧксыяслӧн 4 небӧг 2:9

Вуджӧм бӧраныс Илля юаліс Елисейлысь: «Тэ дінысь менӧ босьттӧдз мый тэ кӧсъян, мед ме вӧчи тэныд?» Елисей вочавидзис: «Тэын олысь лолыс мед лоас ме пытшкын кык пӧвстӧн унджык мукӧд велӧдчысьяс пытшкын дорысь».

Лыд 11:25

Господь лэччис кымӧр пытшкын да сёрнитіс Мӧисейкӧд, сэсся Мӧисей вылысь Ловсӧ юкис да сетіс сизимдаснан юрнуӧдысьыслы. Кор Лолыс лэччис юрнуӧдысьяс вылӧ, найӧ кутісны пророкавны. Но бӧрынджык найӧ эз нин пророкавны.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Иоан 8:40

Ме висьталі тіянлы Енсянь кывлӧм збыльсӧ, а ті кӧсъянныд вины Менӧ. Ӧвраам тадзи эз вӧчлы.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Ап. уджъяс 1:2

да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.

Левит 7:35

Господьлы вайӧм висьлӧн тайӧ юкӧнъясыс вичмӧны Ааронлы да сысянь чужысьяслы сійӧ лунсяньыс, кор найӧс пуктасны попъясӧн кесъявны Господьлы.