17 Исус шуис сылы: «Эн инмӧдчы Ме дінӧ, Ме ӧд эг на кыпӧдчы Батьӧй дінӧ. Мун Менам вокъяс дінӧ да висьтав налы, мый Ме кыпӧдча Аслам Батьӧй да тіян Батьныд дінӧ, Аслам Енмӧй да тіян Енныд дінӧ».
Ме локті муюгыдас Бать дінсянь. Ӧні Ме коля муюгыдсӧ да бӧр муна Бать дінӧ».
Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача
Исус Кристослы эскӧм пыр ті ставныд – Енлӧн ныв-пи.
Ме абу нин муюгыдас. Ме локта Тэ дінӧ, а найӧ кольӧны на муюгыдас. Вежа Батьӧй, видз Меным сетӧмаястӧ Аслад нимӧн, медым найӧ вӧліны Миян моз ӧтвыв.
Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.
Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.
Тайӧс висьталӧм бӧрын Господь кыпӧдчис енэжӧ да пуксис Ен веськыдладорӧ.
Эн тупкы Ассьыд чужӧмбантӧ Аслад кесйӧгысь, ӧд ме ёна шогся. Тэрмась вочавидзны меным!
Ме кылі енэжсянь гора шы. Сійӧ шуис: – Со, мувывса йӧз пӧвстын Енлӧн оланін! Енмыс кутас овны накӧд, найӧ лоӧны Сылӧн войтырӧн. Ачыс Енмыс лоас накӧд, да лоӧ налӧн Енмӧн,
Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.
Сідзкӧ, кодъясӧс Енмыс водзысяньыс тӧдіс, найӧс и лӧсьӧдіс лоны Аслас Пи кодьӧн, медым Пиыс вӧлі медводдза чужысьӧн уна вок пӧвстын.
Веськыда вӧчысь Батьӧй, муюгыдыс оз тӧд Тэнӧ, а Ме тӧда Тэнӧ. Ӧні Тэнад сетӧмаясыд тшӧтш тӧдӧны, мый Тэ Менӧ мӧдӧдін.
Мунӧй ӧдйӧджык да юӧртӧй велӧдчысьясыслы, мый Исус ловзьӧма да виччысьӧ найӧс Галилеяын. Сэтысь найӧ аддзасны Сійӧс. Татшӧм юӧр менам тіянлы».
Енэжвыв Батьлӧн кӧсйӧм серти олысь – Меным вок, чой да мам».
Вермысьлы Ме сета тайӧс ставсӧ. Ме лоа сылӧн Енмӧн, а сійӧ – Менам пиӧн.
Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.
Сэсся шуис Фомалы: «Вайлы чуньтӧ да видзӧдлы Менсьым киӧс. Нюжӧдлы китӧ да пуктыв Менам ордлыӧ. Эн ло эскытӧмӧн, но ло эскысьӧн».
Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.
Ті ӧд кывлінныд Менсьым кывъясӧс: ”Ме муна да бӧр локта тіян дінӧ”. Ме кӧ муса тіянлы, ті эськӧ нимкодясинныд Бать дінӧ Менам мунӧмысь, ӧд Батьӧй Меысь ыджыдджык.
Менам Бать керкаын вежӧсыс уна. Эз кӧ вӧв сідзи, Ме эськӧ эг шу: муна дасьтыны тіянлы оланін.
Исус тӧдіс, мый Батьыс ставсӧ сетіс Сы киӧ, мый Сійӧ локтіс Енсянь да бӧр Сы дінӧ мунӧ.
Тайӧ вӧлі Ыджыд лун водзвылын. Исус тӧдіс нин, мый Сылы воис кад мунны тайӧ муюгыдсьыс Батьыс дінӧ. Исуслы вӧлі мусаӧсь найӧ, кодъяс эскисны Сылы, Сійӧ помӧдзыс петкӧдліс на дінӧ Ассьыс муслунсӧ.
Исус шуис налы: «Ме ог нин дыр ло тіянкӧд, регыд муна Менӧ Мӧдӧдысь дінӧ.
Энӧ босьтӧй аскӧдныд сьӧм, ноп да кӧм. Туй выланыд энӧ сувтӧй чолӧмасьны йӧзкӧд.
Сійӧ лоӧ Менам оланінӧн на пӧвстын. Ме лоа налӧн Енмӧн, а найӧ лоӧны Менам войтырӧн.
Ті кутанныд овны сійӧ муас, мый Ме коркӧ сеті тіян батьясныдлы. Ті лоанныд Менам войтырӧн, а Ме лоа тіян Енмӧн.
Найӧ лоӧны Менам войтырӧн, а Ме – налӧн Енмӧн.
Сэсся найӧ шуисны ӧта-мӧдныслы: «Ми вӧчам шогмытӧма, огӧ кӧ талун висьталӧй тайӧ бур юӧрсӧ. Асылӧдзыс кӧ огӧ юӧртӧй та йылысь ӧксынымлы, миянӧс мыждасны. Мунамӧй карӧ да висьталамӧй ставсӧ ӧксылӧн йӧзыслы».
Ӧксы шуас налы: ”Веськыда висьтала тіянлы: тайӧс кӧ ті вӧчинныд Менам ичӧт вокъясысь ӧтилы, сідзкӧ, вӧчинныд Меным”.
Налӧн олан туйыс – мывкыдтӧмлун, и на бӧрся олысьяс дорйӧны налысь видзӧдлассӧ.
Эз шыпурт отсӧгӧн босьтны миян батьяс тайӧ мусӧ, эз асланыс вынӧн найӧ вермыны, а Тэнад веськыд киӧн да вынӧн, Тэнад чужӧмбаныдлӧн югыдӧн, ӧд Тэ вӧлін бур сьӧлӧма на дінӧ.
Сэки Елисей шуис Гезийлы: «Вӧнясь, босьт менсьым беддьӧс да тэрмасьӧмӧн пет туйӧ. Паныдасяс кӧ тэныд кодкӧ, сыкӧд эн чолӧмась, а сійӧ кӧ чолӧмасяс тэкӧд, эн вочавидз. Менсьым беддьӧс пукты зонкаыслы чужӧм вылас».
Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.
Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.
Ловзьӧм йылысь шуа – ті ӧмӧй энӧ лыддьылӧй Мӧисей небӧгысь сотчысь лежнӧг дорын вӧвлӧмтор йылысь? Ен шуис Мӧисейлы: ”Ме Ӧвраамлӧн Ен, Исааклӧн Ен да Яковлӧн Ен”.