Иоан 19:29 - Коми Библия 2023

²⁹ Сэні сулаліс вина уксус тыра доз. Шыпуртаяс кӧтӧдісны вина уксусӧн губка, сэсся иссоп бедь помӧ сатшкӧмӧн матыстісны сійӧс Исуслы вомдорас.

Иоан 19:29 Referans Kwoze

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Лука 23:36

Сералісны-лёкӧдісны Исусӧс тшӧтш шыпуртаяс. Найӧ матыстчӧмӧн мыччывлісны Сылы вина уксус

Марк 15:36

Ӧти морт котӧртіс, кӧтӧдіс вина уксусӧн губка, сэсся бедь помӧ сатшкӧмӧн мыччис сійӧс Исуслы да шуис: «Энлӧй! Видзӧдлам, локтас оз Илля лэдзны Сійӧс».

Матвей 27:48

На пиысь ӧти дзик пыр котӧртіс, босьтіс губка да кӧтӧдіс вина уксусӧн, сэсся бедь помӧ сатшкӧмӧн мыччис сійӧс Исуслы.

Петӧм 12:22

Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Матвей 27:34

Сэні Исуслы сетісны юны сӧп сора вина, но видлӧм бӧрас Сійӧ эз кут юны.

Ӧксыяслӧн 3 небӧг 4:33

Сійӧ вермис висьтавны быдпӧлӧс быдмӧгыс йылысь – ливанса сус пусянь да стен коластӧд быдмысь иссоп турунӧдз. Вермис висьтавны пемӧсъяс, лэбачьяс, веглясьысь-нюглясьысьяс да черияс йылысь.

Матвей 27:50

Исус ыджыд шыӧн горӧдӧм бӧрын лэдзис ловсӧ.