Иоан 18:33 - Коми Библия 2023

³³ Пилат бӧр пырис керкаӧ, корис ас дінас Исусӧс да юаліс: «Тэ-ӧ иудейяслӧн Ӧксыыс?»

Иоан 18:33 Referans Kwoze

Иоан 19:12

Та бӧрти Пилат збыльысь кӧсйис лэдзны Исусӧс, но иудейяс горзісны: «Сійӧс кӧ лэдзан, кесарлы тэ абу ёрт. Ӧд коді пуктӧ асьсӧ ӧксыӧ, сійӧ паныд сувтӧ кесарлы».

Иоан 19:3

да шуалісны: «Мед олас иудейяслӧн Ӧксы!» Сэсся кучкалісны чужӧмас.

Иоан 18:37

Пилат шуис Сылы: «Сідзкӧ, Тэ Ӧксы?» Исус вочавидзис: «Тэ ачыд шуан, мый Ме Ӧксы. Ме чужи да локті муюгыдас, медым висьтавны збыль йывсьыс. Коді збыльыслӧн, сійӧ кывзӧ Менсьым кывъясӧс».

Иоан 12:13

Пальма росъяс босьтӧмӧн найӧ петісны Исуслы воча да горзісны: – Осанна! Бурсиӧма Господь нимӧн Локтысьӧс, Израильлысь Ӧксысӧ!

Марк 15:2

Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Матвей 27:11

Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

Иоан 19:9

Сійӧ пырис керкаас да юаліс Исуслысь: «Тэ кытысь?» Исус сылы нинӧм эз вочавидз.

Иоан 12:15

– Эн пов, Сион ныв! Видзӧд, Ӧксыыд локтӧ, пукалӧ осёл чань вылын.

Иоан 1:49

Нафанаил шуис: «Велӧдысьӧй, Тэ – Ен Пи, Тэ – Израильлӧн Ӧксы!»

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Матвей 27:27

Шыпуртаяс нуӧдісны Исусӧс юралысьлӧн керкаӧ, сэтчӧ вайӧдісны тышкайӧзӧс.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Иоан 18:34

Исус воча шуис: «Ачыд-ӧ тэ тадзи мӧвпалан, либӧ мукӧдыс тадзи шуӧны Ме йылысь?»

Иоан 18:38

Пилат юаліс: «Мый сійӧ збыльыс?» Тайӧс шуӧм бӧрын Пилат петіс иудейяс дінӧ да шуис налы: «Ме некутшӧм мыж Сылысь ог аддзы.

Иоан 19:4

Пилат бара петіс иудейяс дінӧ да шуис: «Ме петкӧда Сійӧс тіян дінӧ. Тӧдӧй, мый ме некутшӧм мыж Сылысь ог аддзы».