Иоан 18:20 - Коми Библия 2023

²⁰ Исус вочавидзис: «Ме ставсӧ висьтавлі восьсӧн. Ме велӧді иудейясӧс синагогаясын да крамын, кӧні найӧ пыр чукӧртчывлӧны. Ме нинӧм эг висьтавлы гусьӧн.

Иоан 18:20 Referans Kwoze

Иоан 7:26

Сійӧ сёрнитӧ восьсӧн, и некод весиг оз ӧлӧд Сійӧс. Гашкӧ, юралысьяс збыльысь Сійӧс Кристос туйӧ пуктӧны?

Матвей 4:23

Исус ветлӧдліс Галилея му пасьтала. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзӧс быд висьӧм-доймӧмысь.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Лука 21:37

Луннас Исус велӧдіс крамын, а войяссӧ колляліс Олив керӧсын.

Иоан 7:4

Мортыс кӧ кӧсйӧ, медым тӧдісны сы йылысь, сійӧ оз кут дзебны ассьыс уджъяссӧ. Тэ сы ыджда уджъяс вӧчан, сідзкӧ, петкӧдчы йӧзыслы».

Лука 4:15

Исус велӧдіс синагогаясын, и став йӧзыс ошкисны Сійӧс.

Матвей 26:55

Йӧз чукӧрлы Исус шуис: «Лёк вӧчысьӧс моз зорйӧн-шыпуртӧн локтінныд босьтны Менӧ. Ме быд лун тіян крамын пукалі-велӧді, но ті энӧ босьтӧй Менӧ.

Матвей 9:35

Исус ветліс-кытшовтіс став кар-сиктсӧ. Сійӧ велӧдіс синагогаясын, висьтавліс Ен Юралӧм йылысь Евангелльӧ да бурдӧдаліс йӧзсӧ быд висьӧм-доймӧмысь.

Исай 45:19

Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.

Иоан 8:26

Ме унатор на верма висьтавны тіян йылысь, унаторйысь мыждыны тіянӧс. Но Ме юӧрта муюгыдыслы сӧмын сійӧ, мый кывлі Менӧ Мӧдӧдысьсянь, ӧд Сійӧ збыльсӧ висьталӧ».

Иоан 8:2

Асывводзнас Сійӧ бара локтіс крамӧ. Сы гӧгӧр чукӧртчис уна йӧз. Исус пуксис да кутіс велӧдны найӧс.

Иоан 7:28

Крамын велӧдігӧн Исус гораа шуис: «Ті тӧданныд Менӧ, и тӧданныд, кытысь Ме. Ме локті эг Ассянь. Менӧ мӧдӧдіс Сійӧ, коді эм Збыльыс. Ті Сійӧс онӧ тӧдӧй,

Иоан 7:14

Гажӧдчан кад шӧрас Исус пырис крамӧ да кутіс велӧдны.

Матвей 26:65

Сэки аркирей косяліс ассьыс паськӧмсӧ да шуис: «Сійӧ Енмӧс омӧльтӧ! Висьталысьяс миянлы оз нин ковны, ті асьныд кывлінныд Сылысь омӧльтӧмсӧ.

Ап. уджъяс 26:26

Та йылысь бура тӧдӧ ачыс ӧксы, та вӧсна ме восьсӧн сёрнита сы водзын. Эска, тайӧ сылы абу гусятор, ӧд ставыс тайӧ эз гусьӧн вӧчсьы, кӧнкӧ пемыд пельӧсын.

Матвей 24:26

Тіянлы кӧ шуасны: ”Сійӧ овтӧминын”, энӧ мунӧй. Шуасны кӧ: ”Сійӧ керка пытшкын”, энӧ эскӧй.

Псалтыр 40:9

Найӧ шуалӧны: «Кулӧмыслӧн выныс уськӧдіс сійӧс кок йывсьыс, сійӧ оз нин вермы чеччынысӧ».

Марк 8:32

Та йылысь Исус сёрнитіс восьсӧн. Сійӧс бокӧ корӧмӧн Петыр паныд шуасьны пондіс.

Иоан 6:59

Исус висьталіс тайӧс Капернаумын, синагогаын велӧдігӧн.

Иоан 18:21

Мыйла тэ Менсьым юасян? Юав Менӧ кывзысьяслысь, мый Ме висьтавлі налы. Найӧ тӧдӧны Менсьым висьтавлӧмӧс».